PA’TOLE 10:4 - Sura' Madatu

⁴ Nasura’mi Puang dao papan iato situru’ passura’ dolona, tu Sangpulo Kada, tu mangka Napokada PUANG lako kalemi dao buntu lan mai tangnga to’ api tonna allo kasirampunan.

PA’TOLE 10:4 ပူးပေါင်းရင်းမြစ်များ

KATASSURAN 31:18

Iatonna mangkamo tu PUANG ma’kada lako Musa dao buntu Sinai, Nakamaseammi Musa tu da’dua papan batu kasa’bian, iamotu papan batu Nasura’ rakka’Na Puang Matua.

KATASSURAN 34:1

Ma’kadami tu PUANG lako Musa Nakua: Parangko kalemu da’dua papan batu susito dolona, angKu sura’i lako tu mintu’ kada dio papan batu dolo tu mangka mutesse.

KATASSURAN 34:28

Torromi tu Musa dao sola PUANG patangpulo allona patangpulo bonginna, tang ungkande roti sia tang unniru’ uai; Nasura’mi PUANG dao papan tu mintu’ kada basse, iamotu Sangpulo Kada.

PA’TOLE 18:16

Manassa susitu mangka mupalaku lako PUANG, Kapenombammu, dao Horeb, tonna allo kasirampunan, tu munii ma’kada mukua: Tae’mo kula urrangi gamaranNa PUANG, Kapenombangku, sia tae’mo kula untiroi tu api kapua iate, da kumate.

PA’TOLE 9:10

Nabenmo’ PUANG tu da’dua papan batu, tu nasura’ tarunoNa Puang Matua, tu nanii mintu’ kada, tu mangka Napokada PUANG dao buntu lako kalemi lan mai tangnga to’ api, tonna allo kasirampunan.