PA’TOLE 1:2 - Sura' Madatu

² Iatu lalan dio mai Horeb lu lako ma’buntunna Seir sae lako Kadesh-Barnea, kalingkan sangpulo misa allona.

PA’TOLE 1:2 ပူးပေါင်းရင်းမြစ်များ

KADADIAN 32:3

Nasuami Yakub tu ba’tu pira-pira tau male dolo umpessitiroi Esau, siulu’na, lako tana Seir, iamo lili’na Edom.

KATASSURAN 17:6

Tiromi, la bendanNa’ dio tingayomu dao buntu batu Horeb; la musambakki tu buntu batu iato, anna sun tu uai lan mai, anna iru’i to buda. Napogau’mi Musa susito dio tingayona mintu’ to matua-tua to Israel.

KATASSURAN 3:1

Iatu Musa ullaai bembe’ sia dombana Yitro, matusanna, to minaa dio Midian. Den pissan tonna baai tu bembe’ sia dombana ullendu’i padang pangallaran, rampomi lako buntunNa Puang Matua, disanga Horeb.

SURA’ KATOMINAAN 2:14

Iake mupennoloanni lako PUANG tu kande dipemalaran dio mai bua bunga’, iatu burena dinanang dio to’ api sia lise’ gandung diridi’ la mupennoloan, dipokande dipemalaran dio mai bua bunga’.

SURA’ KATOMINAAN 9:23

Malemi tama Tenda Kasitammuan tu Musa sola Harun, anna tassu’ sule umpassakkei tu bangsa iato, anna sombo tu kamala’biranNa PUANG lako bangsa iato.

KADIBILANGAN 13:26

Ke’de’mi tu tau male anna pellambi’i tu Musa sola Harun sia mintu’ kasirampunanna to Israel dio Kadesh, lan padang pangallaran Paran, anna parampoi tu kareba lako mintu’ kasirampunan sia napa’petiroan tu bua kayu nabaa dio mai tondok iato.

KADIBILANGAN 32:8

Susi duka tu gau’na tu ambe’mi tongku suai dio mai Kadesh-Barnea la umparessai tu tondok.

PA’TOLE 1:19

Attu iato anta ke’de’ dio mai Horeb sia talendu’i tu padang pangallaran malona’ sia metakuran, tu mangka mitiro, ma’palulako padang ma’buntunna to Amori, susitu mangka Napepasanan PUANG, Kapenombanta, lako kaleta, anta rampo lako Kadesh-Barnea.

PA’TOLE 1:44

Pakalan tassu’mi tu mintu’ to Amori, tu umpa’tondokki ma’buntunna, umpessitammuikomi, anna ula’komi susito enoan, sia natalokomi dio Seir sae lako Horma.

PA’TOLE 2:1

Undinnato tibalikmoki’ anta ke’de’ lako padang pangallaran, ma’palulako tasik Teberau, susitu Napokada PUANG lako kaleku; ba’tu sangapa-apa allona tanii ullilingi tu ma’buntunna Seir.

PA’TOLE 2:4

Pasanni tu bangsa iate, kumua: Totemo malekomi ullendu’i tu lili’ tondokna siulu’mi, bati’na Esau, tu umpa’tondokki Seir; manassa la nakataku’komi tau iato; kanandaikomi kalemi.

PA’TOLE 2:8

Iamoto tatarru’ male, anta toyang dio mai siulu’ta, tu bati’na Esau, tu umpa’tondokki Seir, tassu’ dio mai Araba-Yordan, iamotu dio mai Elat sia Ezion-Geber. Tamane tibalik ma’palulako padang pangallaran Moab.

PA’TOLE 9:23

Iatonna suakomi PUANG dio mai Kadesh-Barnea, anNa pasankomi, kumua: Ke’de’komi, ammi alai tu tondok mipoapa, tu mangka Kusorong lako kalemi – attu iato mibali tu parentaNa PUANG, Kapenombammi, iamotu tae’ mipatonganni sia tae’ miperangii tu gamaranNa.

YOSUA 14:6

Attu iato mennolomi tu to Yehuda lako Yosua dio Gilgal, anna ma’kada tu Kaleb anakna Yefune, to Kenas lako, nakua: Mitandai sia tu kada Napokada PUANG lako Musa, taunNa Kapenomban, diona te aku sia diona kamu dio Kadesh-Barnea.