PA’PUDIAN 96:3 - Sura' Madatu

³ Pakaleleammi tu kamala’biranNa dio lu mintu’ bangsa, sia iatu penggauran kalle-kalleanNa dio lu mintu’ to sangpetayanan.

PA’PUDIAN 96:3 ပူးပေါင်းရင်းမြစ်များ

PA’PUDIAN 150:2

Pudimi dio mintu’ penggauran sumpu kuasanNa pudimi sitinaya kakapuan tang dilambi’Na!

PA’PUDIAN 22:27

Iatu to umpamadiongan penaanna la kumande sadia’na, sia mintu’ to undaka’ PUANG la umpudiI. Sangapaoi anna paya tu sumanga’mi tontong sae lakona.

PA’PUDIAN 57:9

Millikko, e penaangku, millikkomi, e dandi sia katapi; la untundanna’ dannari lambe’.

PA’PUDIAN 9:2

La ponno penaangku umpudiKomi, o PUANG, sia la kuulelean tu mintu’ penggauran kalle-kalleamMi.

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

MIKHA 4:2

Sia buda to sangpetayanan la ke’de’ male anna ma’kada nakua: Maikomi anta male langngan buntunNa Puang, langngan banuanNa Kapenombanna Yakub, anNa ada’iki’ diona mintu’ lalanNa sia anta olai tu mai lalanNa, belanna lan mai Sion la nanii bu’tu tu Sukaran aluk sia iatu kadanNa lan mai Yerusalem.

ZAKHARIA 9:10

Attu iato la Kuputtai tu mintu’ kareta dio mai Efraim sia darang dio mai Yerusalem, sia ia duka tu pana dipake parari; sia la umpakalelean kamarampasan lako mintu’ bangsa, sia iatu kaparentanna la randuk dio mai tasik sae lako tasik sia dio mai Salu sae lako randan langi’.

MATIUS 28:19

Iamoto malemokomi mipopendadii anak gurungKu tu mintu’na bangsa, ammi dio’i tama sanganNa Ambe’, sia Anak na Penaa Masallo’;

LUKAS 24:47

nadipalele sola sanganNa tu kamengkatobaran umpasae kadipa’deian kasalan lako mintu’ issinna lino nasambo langi’ narande tana, randuk dio mai Yerusalem.