PA’PUDIAN 82:3 - Sura' Madatu

³ La mitiroan tu to bitti’ sia pia biung, sia la umpasalunna to dipandasa sia to mase-mase.

PA’PUDIAN 82:3 ပူးပေါင်းရင်းမြစ်များ

AYUB 29:12

Belanna kulendokan dio mai kamasussan tu to makario-rio metamba umpalaku pa’tunduan, tu pia biung sia to tae’ patunduanna,

AYUB 31:21

iangku pata’pai lenni lima tu pia biung, belanna kutiro tu to untunduina’ lan babangan,

PA’PUDIAN 10:18

la umpasalunna pia biung sia to dipakario-rio, kumua iatu tolino untorroi kuli’na padang da anna ma’patiramban pole.

KATASSURAN 23:3

Sia da mupalosongi tu to bitti’ lan kara-karana.

KATASSURAN 23:6

Da muputa’-puta’i tu katongananna to bongkomu lan kara-karana.

SARAMBU PEADA’ 31:9

Bungka’i tu pudukmu, ammu mangra’ta’ malambu’, sia sanda tonganni tu to dipakario-rio sia to bongko.

YESAYA 1:17

Pelada’i umpogau’ kameloan, daka’i tu katonganan, ampangi tu to ma’pakario-rio, pasipatui patunna tu pia biung sia pa’tutuanni tu baine balu.

YESAYA 1:23

Iatu tedong pariu’mu pabali-balimo sia sibaa to bokomo; pantan ungkaduangi pamengan sia unnanga’ pappe’, tae’ anna pasipatui patunna tu pia biung sia tae’ naperangii kara-karana baine balu.

YEREMIA 21:12

Nakua PUANG: Madomi’komi umpaolai salunna sia rampananni tu to dirampa apanna lan mai limanna to ma’pakario-rio, da namendelok tu kare’dekangKu susi api sia dukku naurungan moi misa’ tau tae’ nakulle umpa’deanni, napobua’ kakadakeanna mintu’ penggaurammi.

YEREMIA 22:16

Nasanda tonganni tu diona to makario-rio sia to bongko, attu iato manaman ia. Tang susiraka to tu unnakuNa’? kadanNa PUANG.

YEREMIA 22:3

Inde sia tu kadanNa PUANG, Nakua: Paolai salunna sia karitutui tu kamalamburan, sia rampananni tu to dirampa apanna lan mai limanna to ma’pakario-rio, da miparugii sia da mipandasai tu to sae ba’tu pia biung ba’tu baine balu; sia da mipatibollo rarana to tang kasalan dao inan iate.

YEREMIA 5:28

malompo tu tau iato mai sia malannu’; tarru’ maparrang tu kakadakeanna. Tae’ namalambu’ ma’paolai salu la urra’ta’ kara-karana pia biung, apa moi susito maupa’ duka; sia tang untonganan kara-karana to bongko.

ZAKHARIA 7:9

Inde sia tu kadanNa PUANGna mintu’ ma’dandan maritik, Nakua: La bulo lollongkomi ma’paolai salu sia sipatiroangkomi pa’kaboro’ sia kamamasean;

PA’TOLE 10:18

tu untonganan kara-karana pia biung sia baine balu sia umpa’petiroan kamamasean lako to sae, ke Nabenni roti sia pakean.

PA’TOLE 24:17

Da mupakelokki tu katongananna to sae sia pia biung; sia da duka muala pakeanna baine balu la mutoe.

YAKOBUS 1:27

Iatu kapengkaolan masero sia tae’ sayuanna dio oloNa Puang Matua, Ambe’, iamote: unto’longi pia biung pu’pu’ sia baine balu lan kamasussanna, sia ungkaritutui kale dio mai kamaruttakanna te lino iate.