PA’PUDIAN 8:2 - Sura' Madatu

² O PUANG, o Puangki, tang pada mala’bi’na tu sangamMi lan mintu’ narande tana, Mipadaomo langi’ tu kamala’biramMi!

PA’PUDIAN 8:2 ပူးပေါင်းရင်းမြစ်များ

PA’PUDIAN 148:13

La napudi massola nasang tu sanganNa PUANG, belanna sanganNa mannari ia tu patongloan liu, sia kamala’biranNa ussamboi lino na langi’.

PA’PUDIAN 4:4

Apa la miissan kumua iatu PUANG mangkamo umpamarimbanganni Kalena tu misa’ to Naporai; la Natanannina’ talinga PUANG, ke meongli’na’ lako Kalena.

PA’PUDIAN 44:16

Iatu siri’ku dio bang lindoku kiallo-kiallo, sia longko’ ungkabu’ lindoku.

PA’PUDIAN 46:10

Napasoro’ ambun tu tananan ra’ landa’ lako randanna langi’, Narebong-rebong tu tinaran, sia Napolo tu doke, sia Natunu api tu mintu’ kareta.

PA’PUDIAN 57:6

Pamatandei tu Kalemi daona lu langi’, o Puang Matua, sangapoi anna ussamboi lino tu kamala’biramMi.

KATASSURAN 11:7

Apa dio lu to Israel, moi misa’ asu tae’ pandiu umburoroi sia la ungkeke’i tu to lino ba’tu patuoan, dikua ammi issanni, kumua iatu PUANG umpasilaenan to Mesir na to Israel.

KATASSURAN 15:16

Narampoimi kamatakuran sia katirambanan tu tau iato mai, tang tilento ten to batu tete dio takia’ mawatangMi, anna tarru’ bang lumingka tu mintu’ taumMi, o PUANG, anna tarru’ bang lumingka tu mintu’ taumMi, tu Miappa’.

YESAYA 40:31

Apa iatu to untayan PUANG la umba’rui kamatotoranna, anna mettia’ kendek langngan susi langkan maega. Tau iato mai la lumingka tang mekaboyo’, la sumalong tang mekata’ka’.

YESAYA 6:3

Metambami tu misa’ ungkuanni tu misa’ nakua: Maindan, maindan, maindan tongan tu PUANGna mintu’ ma’dandan maritik, iatu mintu’ lino naponnoi kamala’biranNa.

AMOS 5:9

Puangmo, tu umpata’pai kasanggangan tu kota ditambakuku, naurunganni narampoi kasanggangan tu benteng.

HABAKUK 2:20

Apa iatu PUANG lan Ia Banua Kabusungan maindanNa. Ma’pakappakomi dio oloNa, e issinna mintu’ lino.

MATIUS 11:25

Iatonna iato umpakendekmi pa’pudian tu Yesu, Nakua: O Ambe’, Puangna langi’ na lino, KupudiKomi, belanna Misamboan to paissan sia to manarang te ianna te, anna lako pia Minii umpasomboi.

MATIUS 21:16

sia nakua lako Yesu: Mirangiraka tu kadanna te pia? Nakuami Yesu lako tinde tau: Kurangi tongan ia; apa tae’paraka mibasa lenni tu nakua: Dio mai pudukna pia’-pia’ sia pia’-pia’ ma’susupa inang Miparandanmo tu pa’pudi-pudian?

LUKAS 10:21

Iatonna iato parannu penaanNa tu Yesu belanna Penaa Masallo’, nakua: Ma’kurre sumanga’Na’ lako Kalemi, O Ambe’, Puangna langi’ sola lino, belanna mintu’na te Misamboan to matarru’ sia to manarang, amMi pasomboi lako pia. O Ambe’Ku, belanna susimoto tu pa’poraiamMi dio oloMi.

1 KORINTUS 1:27

apa iatu dipetaainna lan te lino Napilei Puang Matua, kumua anNa pakasiri’i tu to kinaa, sia langga’na lan te lino Napilei Puang Matua, kumua anNa pakasiri’i tu mawatangna,

1 SAMUEL 2:9

Ia ungkaritutui tu lentekna mintu’ pa’kaboro’Na, apa mintu’ to tang mekaaluk la sabu’ lan kamalillinan, belanna tae’ natete dio kamatotoranna tu misa’ muane pasau’.