PA’PUDIAN 74:9 - Sura' Madatu

⁹ Tae’mo tandaki kitiro, tae’ bangmo misa’ nabi, sia tae’ bangkan misa’ unnissanni, kumua ba’tu la sangapapa te iannate.

PA’PUDIAN 74:9 ပူးပေါင်းရင်းမြစ်များ

KATASSURAN 12:13

Iatu rara iamo la dadi misa’ tanda lako kalemi dio lu banua minii; iangKu tiromi tu rara iato la Kulendu’imokomi, naurungan tae’ kamandasan mesanggangan dio lu kalemi, ke Kupata’paimi lima tu tondok Mesir.

BATING 2:9

Iatu babanganna lamma’ nasang rokko padang, iatu salli’na nasanggangmo sia Natesse-tesse; iatu datunna sia iatu mai arungna mentialla’mo dio lu mintu’ bangsa, iatu pangadaran diona sukaran aluk tae’mo; sia iatu mai nabi tang unnappa’mo patiro mendeata dio mai PUANG.

YEHEZKIEL 20:12

Sia Kuben duka tu mintu’ allo katorroangKu, dadi misa’ tanda lan alla’Ku na tau iato mai, anna issanni tau iato mai, kumua Akumo, PUANG, tu umpamaseroi.

YEHEZKIEL 7:26

Sitodon tampomo tu kamasolangan la sae sia sidanu’-danu’mo sae tu kareba. Attu iato undaka’-daka’ patiro mendeatanna nabi, sia pa’patudu putta dio to minaa sia pa’timbangan dio pekaamberan.

AMOS 8:11

La rampo tu allo, kadanNa Puangta PUANG, ke la umpasaeNa’ karorean lan tondok – tangia karorean roti sia tangia kama’rangan la unniru’ uai, sangadinna kalaurrangiannari mintu’ kadanNa PUANG.

MIKHA 3:6

Iamoto la nasikapu’ikomi bongi natae’ patiro mendeata, sia la den kapittukan natae’ kapakita-kitan, la nalambunni mata allo tu nabi, sia iatu allo la membali pittuk lako tau iato mai.

MIKHA 3:7

Mintu’ to patanda-tandan la kasirisan sia mintu’ to pakita-kita la bangngo ara’, anna samboi tu puduk daoanna, belanna tae’ Napebalii Puang Matua.

IBRANI 2:4

mangka dukamo Nakatottongi Puang Matua tu iannato tete dio tanda kalle-kallean sia tanda mangnga sia ma’rupa-rupa kuasa sia diona kaumpa’kamaseanNa Penaa Masallo’ unturu’ pa’poraianNa.

TO PARENGNGE’ 6:17

Ma’kadami lako, nakua: Iake naala siana’ penaamMi, patiroammo’ misa’ tanda, kumua Puangmo tu ussipa’kadanna’.

1 SAMUEL 3:1

Iatu Samuel tomangura iato umpogau’ toena lako PUANG napatudu Eli. Attu iato masagalamo tu kadanNa PUANG sia tae’mo dipaombo’ tu patiro mendeata.