PA’PUDIAN 74:3 - Sura' Madatu

³ Umpatiangka’Komi bate lalanMi sae untiroi tu kasanggangan tang pasule-suleanna; a’a, mintu’ tu lanna inan maindan nasolang-solang uali.

PA’PUDIAN 74:3 ပူးပေါင်းရင်းမြစ်များ

2 DATU 25:9

Nasumpunmi tu banuanNa PUANG sia tongkonan layukna datu, sia iatu mai banua dio Yerusalem, iamotu mintu’ banuanna to kapua, pura nasumpun.

NEHEMIA 1:3

Ma’kadami tu tau iato mai lako kaleku nakua: Iatu mintu’ to torropa, iamotu torronapa dio mai to dipali’, tu lan propinsi iato, lan kamandasan kapua sia kadibelleran, sia iatu rinding tembo’ Yerusalem ro’pokmo, na iatu babanganna pura diballa api.

NEHEMIA 2:13

Iatonna ibongi tassu’mo’ lan mai babangan Lombok, ma’palulako kalimbuang Ula’, tarru’ lako babangan Au, sia kuparessa tu rinding tembo’ Yerusalem, tu ro’pokmo sia iatu babanganna tu puramo diballa api.

NEHEMIA 2:3

Ma’kadamo’ lako datu kukua: Namasakkemora tu datu tontong sae lakona! Umba nakua tang la maru’gun lindoku ditiro, na dio lu kota iamotu inan nanii lamunanna nene’ to doloku, sanggangmo sia iatu babanganna puramo nakande api.

PA’PUDIAN 44:23

Apa tu belanna Kamumora angki dipatei keallo-keallo, dipasusikan domba la ditunu.

PA’PUDIAN 44:26

Belanna iatu sumanga’ki tuttumo rampo rokko to’ barra’-barra’, iatu kaleki rapa’mo rokko padang.

PA’PUDIAN 79:1

Pa’pudianna Asaf. O Puang Matua, natamaimo to kapere’ tu apamMi, sia urruttakki banua kabusungamMi, ondongpi napatombonan batu tu Yerusalem.

YESAYA 10:6

Kusuamo umpandasa misa’ bangsa tang mekaaluk sia Kukuan la ullaoi misa’ to sangpetayanan narua kasengkeangKu, la umpangrampai sia umpanglo’do’i anna lullu’i tu tau iato mai susi so’mak dio lu lalan.

YESAYA 25:10

Belanna iatu limanNa PUANG la mendemme’ indete buntu, apa iatu Moab la dilullu’ rokko to’ inanna, butung to dalame dilullu’ rokko to’ uai patuang pangangku’.

YESAYA 61:4

Attu iato la napemeloi sule tu kota masaimo daun lauan sia la nabangun pole tu inan disanggang pirambongi’ sia la umba’rui tu mintu’ kota ro’pok tu mangsanmo disituran-turananni.

YEREMIA 52:13

Nasumpunmi tu banuanNa PUANG sia tongkonan layukna datu, sia iatu mai banua dio Yerusalem, iamotu mintu’ banuanna to kapua, pura nasumpun.

BATING 1:10

Iatu mai uali umpopengkorongmo limanna lako mintu’ apa keangga’na; ondongpi natiro bang tau iato mai, kumua iatu bangsa iato tama inan maindanna, tu a’ganna mangka Mipa’pepasanan, kumua: iatu tau iato mai tae’ nama’din urreke’komi tama kombongan.

DANIEL 11:31

Sia la napake’de’ tu ba’tu pira-pira surodadu, anna ruttakki tu inan maindan, iamotu tambakuku, sia la naputtai bang tu pemala’ allo-allo sia napabendanni tu apa megallian, tu ma’kasanggang.

DANIEL 9:17

Totemo perangiimi, o Kapenombangki, tu passambayangna taumMi sia pengkamoyanna sia la Mipaarrangi lindoMi tu inan maindan sanggangMi belanna pa’poraianNa Puang.

DANIEL 9:27

Sia la napamabanda’ tu basse lako buda tau lan sangminggu; iatonna ma’tangngana minggu la napa’dei tu pemala’ pangrere’ sia iatu kande dipemalaran; anna dao pani’ megi’giran la sae tu misa’ to ma’kasanggang sia manassa la nasanggang sae lako tappunna, sia iatu apa dipamanassa la dibarrakan dao apa sanggang.

MIKHA 1:3

Belanna iatu PUANG manassa tassu’ lan mai inanNa, anNa mengkalao umpopentengka lentekNa dao lu mintu’ inan matande dao kuli’na padang.

MIKHA 3:12

Iamoto kamu napobannang na iatu Sion la ditengko susi misa’ pa’lak, sia iatu Yerusalem la mendadi misa’ inan daun launan, ondongpi iatu buntu Banua Kabusungan la membuntu pangala’.

MARKUS 11:17

Mangada’imi sia Nakua lako tu tau: Tang mangkamoraka disura’ kumua: Iatu banuangKu la disanga banua passambayanganna mintu’ bangsa? Apa mipadadimo kamu lo’ko’ pa’gora’.

LUKAS 21:24

sia kasengkean lako te tau sia la mate nakande pa’dang mataran sia dirampa nadibaa lako mintu’ rapunna tau sia iatu Yerusalem la nasilullu’i to kapere’ sae lako kasundunanna allona tu to kapere’.

YOSUA 10:24

Iatonna solammi tau tassu’ tu datu iato lako Yosua, natambaimi Yosua tu mintu’ muane to Israel, anna ma’kada lako mintu’ pangulu surodadu, tu nasisolan male, nakua: Malekomi mai, patoppo’i lentekmi tu sokkongna te mintu’ datu. Mengkareke’mi tu tau iato, napatoppo’i tu lentekna dao sokkongna datu iato.

KADA OMBO’ LAKO RASULU’ YOHANES 11:2

Sia paboko’i tu luba’ba dio salianna banuanNa Puang Matua, da musuka’i, belanna dibenmo to kapere’ sia iatu tondok maindan la dilessa’-lessa’ patangpulo ndua bulanna.