PA’PUDIAN 71:8 - Sura' Madatu

⁸ Iatu sadangku buke kapa’pudian lan lako Kalemi, sia untendeng kamala’biramMi kiallo-kiallo.

PA’PUDIAN 71:8 ပူးပေါင်းရင်းမြစ်များ

PA’PUDIAN 35:28

La nasa’bu’ tongka’ dililaku tu kamaloloamMi, sia kadipudiamMi kiallo-kiallo.

PA’PUDIAN 146:2

La kupudi tu PUANG, angge tuoku, sia la kupakendekan pa’pudian tu Kapenombangku, ke ten siapa’ to.

PA’PUDIAN 104:1

Pudimi tu PUANG, e sumanga’ku! O PUANG, Kapenombangku, Kamumo tu ma’iringanna kapua; Kamumo tu umpobelo kakapuan sia kamala’biran.

PA’PUDIAN 71:24

Sia la ussa’bu’ kamaloloamMi, tu dara’ lengko lilaku kiallo-kiallo, belanna mintu’ tu to undakaranna’ kadake kasirisan nasangmo sia malotong lindona.

PA’PUDIAN 71:15

La nasa’bu’ tongka’ dililaku tu kamaloloamMi, sia kasalamaran lu dio mai Kalemi kiallo-kiallo, belanna tang kukemba’ kuia’ tu bilanganna.

PA’PUDIAN 63:5

Susimoto angku la umpudiKomi angge tuoku, sia diona sangamMi angku la umpopempala’ limangku.

PA’PUDIAN 96:6

Dio oloNa tu tanda kabilangan sia kadipangkeran, anna kapaan sia kamala’biran lan inan maindanNa.