PA’PUDIAN 7:9 - Sura' Madatu

⁹ PUANG umpaolai salunna mintu’ bangsa, paolaina’ salunna sitinaya kamaloloangku, sia penaa ma’bulo-lollongku.

PA’PUDIAN 7:9 ပူးပေါင်းရင်းမြစ်များ

KADADIAN 20:5

Tang Abraham kalenaraka umpokadanna’ susite, kumua: Iate baine, siulu’ku? sia ia duka kalenamo tu baine iato ma’kada susite kumua: Iate muane siulu’ku. Mangkamo kupogau’ tu iannato naturu’ bannang pute sia lima mapindanku!

1 DATU 8:32

la Miperangii dao mai suruga, sia Mipogau’i to sia la Mipaolai salunna tu taumMi, amMi pasalai tu to sala sia Mipasule langngan botto ullunna tu penggauranna, amMi sanda-tonganni tu to tongan sia Mipapakkanni sitinaya kamalamburanna.

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

PA’PUDIAN 10:15

Rebongi tu takia’na to tang mekaaluk sia to kadake; papakkanni tu katangmekaalukanna satae’na Miappa’i.

PA’PUDIAN 10:18

la umpasalunna pia biung sia to dipakario-rio, kumua iatu tolino untorroi kuli’na padang da anna ma’patiramban pole.

PA’PUDIAN 11:5

Nasudi PUANG tu to malambu’ sia to tang mekaaluk, apa iatu penaanNa ungkabiri’ to patoro’ buku.

PA’PUDIAN 139:1

Lu lakona pangala sengo. Pa’pudianna Daud. O PUANG, Mitarru’mo’ sia Mitandaimo’.

PA’PUDIAN 17:3

Iake ussandakKomi penaangku, sia umparessana’ ke mabongi, sia ussudina’, na moi misa’ tae’ la diappa’ iake susinna salai tu tangnga’ku, tae’ duka sia nasun dio pudukku.

PA’PUDIAN 18:21

Napapatuimo’ PUANG sitinaya kamaloloangku, sia Napapakkannina’ sitinaya kamasero-pindananna limangku.

PA’PUDIAN 26:2

Sudina’, o PUANG sia sandakna’! Sia sudii tu ba’tengku sia penaangku.

PA’PUDIAN 35:23

Ke’de’Komi sia ingaranni ussanda tongannina’, diona kara-karaku, o Kapenombangku sia Puangku.

PA’PUDIAN 37:23

PUANG umpabantang lalanna tau, tu to Naporai tu tengka-tengkana.

PA’PUDIAN 40:2

Lantuk penaangku untayan PUANG, Napalempeina’ kale sia Natanannimo talinga tu pengkamoyaku,

PA’PUDIAN 43:1

O Puang Matua, sanda tongannina’ sia paolaina’ salunna, umbali misa’ bangsa tang mekaaluk; lendokanna’ dio mai to patua’ ba’tang sia to kelok.

PA’PUDIAN 44:21

Iake moronganna angki tang ungkilalaimo sanganNa Kapenombangki, ba’tu umpatadokan pala’ki lako kapenomban senga’.

PA’PUDIAN 58:6

Tu noka umperangii gamaranna to ma’balik mata, iamotu to manarang umbasa-basa sengona.

PA’PUDIAN 9:9

Puang la umpaolai malambu’i salunna te lino, sia umpaolai pangra’ta’ malolo tu mintu’ to sangpetayanan.

PA’PUDIAN 96:10

Pokadai dio lu mintu’ bangsa, kumua: PUANG untoe kapayungan, iamoto anna bantang tu lino, naurunganni tang tibendon; Puang tang pakayun bimbang la umpaolai salu tu mintu’ bangsa.

PA’PUDIAN 96:13

Dio oloNa PUANG, belanna la sae, manassa la sae la umpaolai salunna lipu daenan; la Napaolai malambu’ salu te lino, sia mintu’ bangsa sitinaya kamarurusanNa.

PA’PUDIAN 98:9

Dio oloNa PUANG, belanna la sae umpaolai salu tu lino; anNa tang pakayun bimbang umpaolai salunna te lipu daenan, sia iatu mintu’ bangsa sitinayanna.

YEREMIA 11:20

Apa o PUANGna mintu’ ma’dandan maritik, Tomangra’ta’ malambu’ sia tu untoba ba’teng sia penaa, inang la kutiro tu pa’bala’Mi lako tau iato mai, belanna lako Kalemi kunii ussorongi tu kara-karaku.

YEREMIA 17:10

Akumo, PUANG, ussandak penaa sia ussudi ba’teng, la umpabala’i simisa’-misa’i tu tau sitinaya kedona sia sitinaya bua penggauranna.

YEREMIA 20:12

PUANGna mintu’ ma’dandan maritik, iamo Tomassudi malambu’, tu untarru’ mintu’ ba’teng sia penaa; inang la kutiro tu pa’bala’Mi lako tau iato mai, belanna lako Kalemi kunii ussorongi tu kara-karaku.

DANIEL 11:45

Sia la naosok tu tenda kapayunganna lan kasiallaran tasik sia buntunna Padang ballo maindan, apa la nalambi’ lampakna, anna moi misa’ tau tae’ untundui.

PENGGAURANNA RASULU’ 12:23

Ta’pa napa’tongmi malaeka’Na Puang tu Herodes, belanna tang umbilang Puang Matua, Nakandemi ulli’ namate.

ROMA 16:25

Anna lako Puang unnampui kakuasan umpabatta’komi situru’ Kareba-kaparannuan kupa’pangadaran sia situru’ kadipa’peissananna Yesu Kristus, susi kadipapayananna rasia tang dipatia’tik tempon dio mai,

1 TESALONIKA 3:13

AnNa pabatta’i tu penaammi, anna tae’ attangammi lan kamasalloran dio oloNa Puang Matua, Iamotu Ambe’ta, to ke attu kasaeanNa Puangta Yesu sola mintu’ to masallo’Na.

1 PETRUS 5:10

Puang Matua oto’na mintu’ pa’kamasean tu mangka untambaikomi tete dio Kristus mentama kamala’biran matontonganNa, ke mangkamokomi umperasai kamaparrisan lan attu sangattu’, Ia duka la umpasundunkomi sia umpabantangkomi sia umpamatoto’komi sia umparandangannikomi.

YUDAS 1:1

Sura’ iate lu dio mai Yudas, taunNa Yesu Kristus sia siulu’na Yakobus, diparampo lako mintu’ to ditambai tu naluang pa’kaboro’Na Puang Matua Ambe’ sia kadikarimmanan dio mai Yesu Kristus.

KADA OMBO’ LAKO RASULU’ YOHANES 2:23

Sia mintu’ anakna la Kusabu’i, anna mintu’ kombongan la unnissanni, kumua Akumo tu umparessa ba’tang sia penaanna tau sia Akumo tu la umpapakkannikomi situru’ penggauran simisa’-misa’mi.

1 SAMUEL 16:7

Apa sae tu kadanNa PUANG lako Samuel, nakua: Da narupanna bang mutiro ba’tu kakalandoanna kalena, belanna tae’ naalai penaangKu. Belanna iatu natirona tolino, tae’ na ia bang tongan; belanna iatu tolino ia manna tu apa dio tingayona natiro, apa PUANG untiroi tarru’ tama ba’teng.

1 SAMUEL 2:9

Ia ungkaritutui tu lentekna mintu’ pa’kaboro’Na, apa mintu’ to tang mekaaluk la sabu’ lan kamalillinan, belanna tae’ natete dio kamatotoranna tu misa’ muane pasau’.