PA’PUDIAN 69:36 - Sura' Madatu

³⁶ Belanna la Nalendokan Puang Matua tu Sion, sia la Nabangun sule tu mintu’ tondok Yehuda, anna nii to ma’tondok torro sia la namana’.

PA’PUDIAN 69:36 ပူးပေါင်းရင်းမြစ်များ

PA’PUDIAN 102:28

Apa iatu Kamu tang tileluk len, sia mintu’ taun bilanganMi tae’ upu’na.

PA’PUDIAN 37:29

Mintu’ to malambu’ la umpomana’i tu padang iato, sia la untorroi tontong sae lakona.

PA’PUDIAN 91:14

Belanna la’ka’ tongan lako Kaleku, iamoto angKu la urrampananni, sia belanna natandai tu sangangKu, iamoto angKu la urrinding pala’i.

YESAYA 44:26

Akumo umpasundunni tu kadanna taungKu sia umpalanda’i tu apa napa’peissanan dolomo sumbungan pudukKu; Akumo tu ma’kada lako Yerusalem kumua: La napa’tondokkipoko tau, na lako mintu’ kota Yehuda: La dibangun polekomi, sia mintu’ tembo’ ro’pokmi la Kupabendan sule.

YESAYA 61:9

La kalelean tu bati’na dio lu mintu’ bangsa sia iatu mai lanto mimi’na dio lu mintu’ to sangpetayanan, mintu’ tu to untiroi, la natandai kumua iatu bati’ iato Napamasakke PUANG.

YOHANES 14:23

Mebalimi Yesu nakua ungkuanni: Iake den tau ungkamali’Na’, la nakaritutui tu kadangKu, anNa kamasei Ambe’Ku, sia la saeKanni lako kalena sia mareso’ dio.

PENGGAURANNA RASULU’ 2:39

Belanna kamu napatu tu pangallu’ iato sia anakmi sia mintu’ tu mai to mambela, pira-pira tu la Natambai Puangta, Puang Matua tama.

ROMA 8:28

Apa taissan kumua mintu’na apa situru’ umpasaeanni kameloan tu to ungkamali’ Puang Matua, iamotu to ditambai situru’ tanan penaanNa Puang Matua.

YAKOBUS 1:12

Maupa’ tu to batta’ untanggung peroso, belanna ke mangkami disudi, la unnappa’ katuoan dadi makotana, tu Naallu’ Puang Matua lako mintu’ to ungkamali’I.

YAKOBUS 2:5

Perangii, e sangsiuluran pa’kaboro’ku, tang Napileiraka Puang Matua tu to bongko lan te lino mendadi sugi’ kapatonganan sia umpomana’ Parenta tu mangka dialluran mintu’ to ungkamaseI?

KADA OMBO’ LAKO RASULU’ YOHANES 21:27

Apa inang tae’ anna la tama len tu apa maruttak, ba’tu to umpogau’ pagi’giranna sia to ma’kada mo’rang, sangadinna ia manna tu to tisura’ tu sanganna lan sura’ katuoanNa Anak domba.