PA’PUDIAN 69:3 - Sura' Madatu

³ Tammanna’ rokko buka mandalan, tu tae’ makarra’na dinii mellese; sia tallanna’ rokko liku mandalan, tu nanii ungkabu’na’ uai.

PA’PUDIAN 69:3 ပူးပေါင်းရင်းမြစ်များ

AYUB 11:20

Apa kamailuanna to tang mekaaluk umpamalayu matanna, iatu mintu’ lalan pentilindunganna ka’tumo, iatu apa napeagi, ia mannamo tu ka’tuan sunga’.

AYUB 16:16

iatu lindoku mararang napobua’ katumangiran, sia iatu kulimbang matangku nasamboi lillinan parrak,

PA’PUDIAN 119:123

Mata’ka’ tu matangku untayan kasalamaran lu dio mai Kalemi, sola tu kada kamaloloamMi.

PA’PUDIAN 119:82

Mata’ka’ tu matangku umpemanta pangallu’Mi, angku ma’kada: Piranra amMi la umpakatanana’?

PA’PUDIAN 22:15

Aku te butungna’ uai tibollo, sia iatu mai bukungku silesangan; sia ia duka tu penaangku butung to panti’, lollo’ lan ba’tangku.

PA’PUDIAN 22:2

O Kapenombangku, o Kapenombangku, ma’apari Mitampemora’. Ma’apari Mitoyanganra Kalemi dio mai kadilendokangku, sia dio mai sarro budangku?

PA’PUDIAN 25:21

Sangapaoi anna rondongna’ kamengkaolan sia kabulo-lollongan, belanna kutayanKomi.

PA’PUDIAN 39:7

Iatu mintu’ tau timbayo bangri susi bayo-bayo; ussara’i punala bang kalena, untombon ianan, apa tae’ naissanni minda la umpomaruai.

PA’PUDIAN 40:3

Mangkamo’ Naendekan diong mai liku nanii kasanggangan, diong mai buka mapullan, Napopellesei tu lentekku dao buntu batu, sia Napabantang tu tengkaku.

PA’PUDIAN 6:6

Belanna lan kamatean tae’mo kapengkilalan lako Kalemi, sia lan lino to mate mindapa la umpudiKomi?

PA’PUDIAN 69:21

Iatu kadibe’sean urranna’mo penaangku, napourunganni langga’ tu kaleku, untayanna’ masena tau, apa tae’ra, sia untayanna’ to ma’pakatana, apa tae’ra.

PA’PUDIAN 88:7

Mipalendu’ rokkonamo’ pa’tambunan, diong malillinna sia mandalanna.

YESAYA 38:14

Susi kaluppini’ ma’kisi’-kisi’, susi dukamoto tu gamarangku. Mamali’na’ mentingara lu langngan, o PUANG; mataku’na’, Kamu la unnindo’ina.

BATING 2:11

Saunanmo tu matangku tumangi’, iatu ba’tengku naponnoi kamagiangan, rantang tonganmo tu buaku napobua’ kasangganganna anak dara bangsaku, belanna iatu mai pia’-pia’ sia iatu mai ma’susunnapa tibambang ma’ipu dio lu tana lapang lan kota.

YOHANES 19:28

Undinnato, belanna Naissan Yesu kumua sundun nasangmo, kumua anna sundun tu kada lan Sura’ Madatu, Nakuami: Ma’rangNa’.

PA’TOLE 28:32

Iatu anakmu muane sia anakmu baine la disorong lako bangsa senga’, anna iko kalena untiroi sia mukamali’ tu’tu’ allo, apa tang mukulle umpogau’ misa’ apa.

IBRANI 5:7

Anna Ia, tonna lan a’gan tolino, Napennoloammo tu passambayangNa sia pa’palakunNa sia Napemandui metamba umpato’do uai matanNa lako Puang tu kuasa ullendokanNi dio mai kamatean, nadipalalo tu pa’palakunNa, belanna ungkasiri’ Puang Matua;