PA’PUDIAN 69:17 - Sura' Madatu

¹⁷ Tanding talingana’ dikka’, o PUANG, belanna marampa’ tu kamasokanamMi. Sailena’ sitinaya kamamasean kapuaMi.

PA’PUDIAN 69:17 ပူးပေါင်းရင်းမြစ်များ

AYUB 7:21

Ma’apari amMi tang umpagarri’ri tu kapatodo-tintingangku? sia ma’apari amMi tang umpa’dei tu kakelokangku? Belanna madomi’na’ sumpandan lan to’ barra’-barra’; attu iato la Midaka’na’, apa ta’demo’.

PA’PUDIAN 102:2

O PUANG, tananni talinga tu passambayangku, sia sangapaoi anna rampo mati’ Kalemi tu pengkamoyaku.

PA’PUDIAN 13:1

Lu lakona pangala sengo. Pa’pudianna Daud.

PA’PUDIAN 143:7

O PUANG, madomi’Komi umbalina’, belanna sau’mo tu penaangku, da Mibunianna’ lindoMi, da angku ten to kabu’ rokko pa’tambunan.

PA’PUDIAN 143:9

O PUANG, rampananna’ dio mai mintu’ ualingku, mati’ Kalemi tu kunii mentilindung.

PA’PUDIAN 22:24

E kamu mintu’ to ungkataku’ PUANG, pudiMi, e kamu mintu’ tarukna Yakub pakala’bi’Mi, sia kasiri’I, e mintu’ bati’na Israel!

PA’PUDIAN 27:9

Da Mibunianna’ tu lindoMi, sia da Misualei tu taumMi napobua’ kasengkeamMi. Kamumo tu kupopatunduan; da Mitibena’ sia da Mitampena’, o Puang Matua, oto’na kasalamarangku.

PA’PUDIAN 40:13

Belanna ba’tu sangapamo kasanggangan tu tang dikemba’mo dibilang untikuina’; sia mintu’ kakadakeangku ullambirammo’. Naurunganni tang kukemba’ kutiro; mandu buda ia na mintu’ lamba’ beluakku, naurungan ranggangmo tu penaangku.

PA’PUDIAN 44:24

Pana’dingKomi! Ma’apari amMi mamma’, Puang? MillikKomi! Da Mitibe tontong bangkan!

PA’PUDIAN 66:14

Tu napaombo’ randan dipudukku sia nasa’bu’ dara’ lengko lilaku, tongku lan kamaparrisan.

PA’PUDIAN 70:1

Lu lakona pangala sengo. Pa’pudianna Daud. Ke dipennoloanni tu pemala’ kapengkilalan.

BATING 3:22

Belanna mintu’ tanda pa’kamaseNa PUANG, anna tae’ tasanggang, belanna iatu mai kamamaseanNa tae’ upu’na.

MATIUS 26:38

Nakuami Yesu lako tinde mai tau: Lendu’ masussanna penaangKu kari’ la mateMo’ Kusa’ding; torromokomi indete anta maroya sola.

MATIUS 27:46

Agi-agi te’te’ tallu Nametamba tu Yesu umpemandui gamaranNa, Nakua: Eli, Eli lama sabakhtani! battuananna: O PuangKu, o PuangKu, ma’apari amMi tampemoRa’.