PA’PUDIAN 69:14 - Sura' Madatu

¹⁴ Apa iatu aku te massambayangna’ mati’ Kalemi, o PUANG, ke attu kamasorokamMi, o Puang Matua, baliina’ pa’tunduan maruru’Mi, sitinaya kamasokanan kapuaMi.

PA’PUDIAN 69:14 ပူးပေါင်းရင်းမြစ်များ

PA’PUDIAN 109:21

Apa iatu Kamu, o PUANG Puangku, alanna’ sara’ tete dio sangamMi sia rampananna’ belanna tang tore tu kamasokanamMi.

PA’PUDIAN 109:3

Nalimbuina’ napokadan kada mapalla, sia tae’ silalanna nanii urrariina’.

PA’PUDIAN 144:7

Popengkorongi tu limamMi dao mai masuanggana, lendokanna’ sia endekanna’ diong mai to’ uai buda, sia dio mai lisu pala’na to sae,

PA’PUDIAN 35:19

Da anna parannu tu to tae’ bannangna nanii unnualina’, sia da maro’ Mieloranni tu to ungkabiri’ punala bangna’ untelle-tellena’ pa’kidi’ matanna.

PA’PUDIAN 42:2

Susi donga ungkabarii salu, ten dukamoto tu penaangku ungkamali’Komi, o Puang Matua.

PA’PUDIAN 42:7

O Kapenombangku, ma’dosso-dosso tu deatangku lan kaleku, iamoto angku kilalaiKomi dio mai padang Yordan sia dio mai buntu Hermon, sia dao mai buntu Mizar.

PA’PUDIAN 69:15

Riu’na’ diong mai buka da angku tamman, rampananna’ dikka’ dio mai mintu’ to ungkabiri’na’, sia endekanna’ lan mai mintu’ uai mandalan;

PA’PUDIAN 86:5

Belanna Kamu to masokan, o Puang, sia malangngo’ penaamMi umpa’dei salana tau, sia kapua kamaturu-turuamMi lako mintu’ to umpengkamoyaiKomi.

BATING 3:55

Meongli’na’ ussa’bu’ sangamMi, o PUANG diong mai garuang mandalan.

YUNUS 2:8

Iatu tau umpengkaolai deata tae’ gai’na, umboko’imo Puang, tu ungkasokanni.

MARKUS 15:34

Iatonna te’te’ tallumo, metambami tu Yesu umpemandui gamaranNa, Nakua: Eloi, Eloi, lama sabakhtani?, ke dipallemba’i battuananna: O PuangKu, o PuangKu ma’apari MitampemoRa’?

LUKAS 19:14

Apa nakabiri’ sangtondokna tinde tau, namesua undi urrundu’i, nakua: Nokakan kami la nadatui te tau iate.

LUKAS 19:27

Apa iatu mintu’na ualingku, tu manokana umpodatuna’, solanni mai ammi patei dio tingayoku.