PA’PUDIAN 67:3 - Sura' Madatu

³ Anna tandai tau lan te lino tu lalanMi, sia natandai duka mintu’ bangsa tu kasalamaran lu dio mai Kalemi.

PA’PUDIAN 67:3 ပူးပေါင်းရင်းမြစ်များ

PA’PUDIAN 119:175

Patuoi tu sumanga’ku, anna pudiKomi; sia sangapaoi anna tunduina’ tu mintu’ atoramMi.

PA’PUDIAN 142:7

Parinaai tu pengkamoyaku belanna tang pakulle tonganmo’; rinding pala’na’ dio mai mintu’ to unnula’ sumpuna’, belanna nasau’na’ tau iato mai.

PA’PUDIAN 45:17

Mintu’ tu mai anakmi la ussonda to dolomi, tu la miala ampu lembang lan mintu’ tondok.

PA’PUDIAN 67:5

Sangapaoi anna mintu’ to sangpetayanan parannu-rannu sia sila’tekan, belanna Mipaolai maloloi salunna tu mintu’ bangsa, sia Mipatudu lalan tu mintu’ to sangpetayanan lan te lino. Sela

PA’PUDIAN 74:21

Da’ maro’ anna sule masiri’ tu to dipakario-rio, sia iatu mintu’ to mandasa sia to mase-mase la umpudi sangamMi.

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

MIKHA 5:3

La tunannang ungkambi’ tau iato mai tete dio kamatotoranna PUANG sia kamala’biranNa sanganNa PUANG, Kapenombanna; sia la torro marampa’ tu tau iato mai, belanna la tarompo’ tu Mesias sae lako mintu’ randan langi’.