PA’PUDIAN 67:2 - Sura' Madatu

² Anna Puang Matuamora ungkamaseiki’ sia umbura’ki’ lindo masakke, sia umpaarrangiki’ rupanNa, Sela

PA’PUDIAN 67:2 ပူးပေါင်းရင်းမြစ်များ

PA’PUDIAN 117:2

Belanna lendu’ kapuana tu kamasokananNa lako kaleta, sia iatu kamarurusanNa PUANG tang tileluk sae lakona. Haleluya.

PA’PUDIAN 4:7

Buda tau ma’kada nakua: Mindara tu la umpakitangki’ kameloan? Paarrangikan arrang lindoMi, o PUANG!

PA’PUDIAN 41:5

Kukuami: O PUANG, kamaseina’ dikka’, sia pamatanana’ belanna kasalammo’ lako Kalemi.

PA’PUDIAN 43:5

Ma’apai ammu ma’dosso-dosso, e deatangku, sia apara bannangna ammu ma’rundede lan kaleku? Rannuanni tu Puang Matua, belanna inang la kupudipa, tu To ullendokanna’ sia Kapenombangku!

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

YESAYA 52:10

Nakalili’mo PUANG tu takia’ maseroNa dio tingayona mintu’ bangsa sia la natiro mintu’ randan langi’ tu kasalamaran dio mai Kapenombanta.

DANIEL 9:17

Totemo perangiimi, o Kapenombangki, tu passambayangna taumMi sia pengkamoyanna sia la Mipaarrangi lindoMi tu inan maindan sanggangMi belanna pa’poraianNa Puang.

MATIUS 28:19

Iamoto malemokomi mipopendadii anak gurungKu tu mintu’na bangsa, ammi dio’i tama sanganNa Ambe’, sia Anak na Penaa Masallo’;

LUKAS 3:6

sia mintu’na ma’rupa tau la untiro kasalamaran dio mai Puang Matua.

PENGGAURANNA RASULU’ 13:10

sia nakua: E iko te to ponno tangnga’ kadake sia kabulitukan, anak deata bulituk, ualinna mintu’ kamaloloan! tae’raka mula morai untorroi umpakelokki tu lalan maloloNa Puang?

PENGGAURANNA RASULU’ 18:25

Iate tau iate mangkamo diada’i lalanNa Puang, sia parruk penaanna ma’kada sia napa’pangadaran tongan tu diona Yesu, moi anna pa’dioranna manna Yohanes natandai.

PENGGAURANNA RASULU’ 22:4

Mangkamo kupakario-rio tu to unnolai tu lalan pekaalukan iate naurunganni kupatei, kupungo sia kusorong tama pa’tarungkuan la muane la baine.

PENGGAURANNA RASULU’ 9:31

Torro manamanmi sia marampa’ tu kombongan to Sarani dio mintu’ tana Yudea sola Galilea na Samaria sia dipabatta’ sia ungkataku’ Puang Matua; anna pa’tunduanNa Penaa Masallo’ nasakerangngan-rangnganna.

TITUS 2:11

Belanna iatu pa’kamaseanNa Puang Matua, tu umpasaena kamakarimmanan lako mintu’ tolino, bu’tumo,