PA’PUDIAN 66:3 - Sura' Madatu

³ La ma’kadakomi lako Puang Matua, kumua: Lendu’ metakuranna tu mintu’ penggauramMi, mintu’ duka ualimMi pudukna bangri mengkanorong Mati’ belanna kuasa kapuamMi.

PA’PUDIAN 66:3 ပူးပေါင်းရင်းမြစ်များ

AYUB 25:2

Kama’parentan sia pa’patiramban dio Puang, tu mesua umpaden kamarampasan dao masuanggana.

PA’PUDIAN 18:44

MangkamoKomi urrampananna’ dio mai kasipakkanna to buda, sia Mipopangulunnamo’ ba’tu pira-pira bangsa; iatu bangsa tang kuperambu sae duka mengkaunan lako kaleku.

PA’PUDIAN 18:45

Mane narangi tu diona a’gangku, naturu’mi tu parentaku; sia iatu to salian bangsa naangga’-angga’i mengkanorong lako kaleku.

PA’PUDIAN 47:2

E mintu’ bangsa, massala’pa-la’pakomi, sia unnarrak langngan Puang Matua situang la’tek kaparannuan.

PA’PUDIAN 65:5

Maupa’ tu to Mipilei langsa’ sia to Mipopengkareke’, kumua anna torro lan tarampakMi. La dia’ tu penaangki diona kameloanna banuamMi. Iamotu kamaindanan lan banua kabusungamMi.

PA’PUDIAN 68:30

Belanna diona banuamMi dio Yerusalem, anna pennoloan pamengan lako Kalemi tu mai ba’tu pira-pira datu.

PA’PUDIAN 76:12

Mangallonankomi sia palesso’i tu pangallonammi lako PUANG, Kapenombammi; mintu’ tu to tiku lao ungguririkki Puang, pennoloanni tu pamengan lako Puang metakuran.

PA’PUDIAN 81:15

Manassa ta’pa Kupatunduk madomi’ tu mai ualinna, sia Kupasulei limangKu tu mai to unneai.

KATASSURAN 15:21

Natindokmi Miryam tu penanianna tau iato mai, nakua: Menanimokomi umpudi PUANG, belanna matande tongan tu kamala’biranNa; Napembuangan tu darang sia to ussakei tama tasik.

YESAYA 2:19

Allo iato iatu mai tau la mallai tama lo’ko’ batu sia rokko garuang tu belanna kametakuranna kamala’biranna kapaanNa, ke ke’de’I umpatiramban mintu’ issinna lino.

YESAYA 25:3

Iamoto anna pakala’bi’Komi bangsa mawatang, sia la nakataku’Komi bentengna tu mai bangsa lalong.

YESAYA 40:26

Mentingarakomi langngan, ammi tiroi; mindara umpadadi te mintu’ ma’dandan maritik dao? Iamotu Puang tu umpopa’lengkoanni tassu’ tu sangtuntunan kapua baananna sia tu untambai simisa’-misa’i sanganna tu mintu’nato tete dio kakapuanna matoto’Na sia kakapuanna paanNa; na moi misa’ tae’ torro.

YESAYA 64:3

belanna Mipaden tu penggauran metakuran tu tae’ kikapangi; kemMi songlo’, anna tigega’ tu mintu’ buntu dio oloMi.

YEREMIA 10:10

Apa PUANG, Iamo Kapenomban tongan, Iamo Kapenomban tuo sia Datu matontongan; tete dio kare’dekanNa anna tigega’ tu lino sia iate mai bangsa tae’ untananni tu kasengkeanNa.