PA’PUDIAN 66:2 - Sura' Madatu

² Pakendekanni pa’pudian tu kamala’biranna sanganNa, pakala’bi’ tu kadipudianNa.

PA’PUDIAN 66:2 ပူးပေါင်းရင်းမြစ်များ

NEHEMIA 9:5

Ma’kadami tu to Lewi Yesua, Kadmiel, Bani, Hasabneya, Serebya, Hodia, Sebanya na Petahya, nakua: Ke’de’komi, pudii tu PUANG, Kapenombammi, tempon dio mai landa’ lako attu situran; la napudi tau tu sanga mala’bi’Mi, tu ussamboi mintu’ kadipudian sia kadipangkeran.

PA’PUDIAN 106:2

Mindara tu ma’din umpokada nasangi tu penggauran kalle-kalleanNa PUANG. Ba’tu ma’din unggente’-genteranni mintu’ kadipangkeranNa?

PA’PUDIAN 107:15

Sangapaoi anna pudii tau iato mai tu PUANG belanna kamasokananNa, sia tu belanna mintu’ penggauran kalle-kalleanNa lako ma’rupa tau.

PA’PUDIAN 107:22

Sangapaoi anna penombanni tau iato mai tu pemala’ pa’pudian, sia mela’tek umpa’peissanan penggauranNa Puang.

PA’PUDIAN 68:33

E mintu’ parenta lan te lino, penanianni tu Puang Matua, pakendekanni pa’pudian tu Puang; Sela

PA’PUDIAN 72:18

Mintu’na kadipudian lu langngan nasang PUANG Kapenomban, tu Kapenombanna Israel, Ia mannari ia tu umpogau’ penggauran kalle-kallean.

PA’PUDIAN 79:9

Tunduikanni, o Puang Matua, oto’na kasalamarangki, tete dio kamala’biranna sangamMi; rampanangkanni sia basei tu mintu’ kasalangki, tu belanna sangamMi.

YESAYA 42:12

Sipatu la napakala’bi’ tu PUANG sia la nasa’bu’ tu kadipudianNa dio lu mintu’ randan tasik.

YESAYA 49:13

Siarrakangkomi, e langi’ sia sikumalasiangko, e lino, unnangnga’komi, e buntu, belanna PUANG umpakatanai tu mai taunNa sia ungkaturu-turui mintu’ to dipandasaNa.

YESAYA 6:3

Metambami tu misa’ ungkuanni tu misa’ nakua: Maindan, maindan, maindan tongan tu PUANGna mintu’ ma’dandan maritik, iatu mintu’ lino naponnoi kamala’biranNa.

KADA OMBO’ LAKO RASULU’ YOHANES 5:13

Kurangimi mintu’ panampa lan suruga, sia lan lino, sia diong mangapi’na tana sia lan tasik, sia mintu’na issinna ma’kada, nakua: Lako Puang tu unno’ko’ dao isungan kapayungan sia lako Anak domba nanii tu kadipudian sia kadipangkeran sia kadipakala’biran sia kapaan sae lakona.