PA’PUDIAN 47:3 - Sura' Madatu

³ Belanna iatu PUANG Patodoranna metakuran, Iamo Datu kapua lan mintu’ narande tana.

PA’PUDIAN 47:3 ပူးပေါင်းရင်းမြစ်များ

PA’PUDIAN 110:1

Pa’pudianna Daud. Susite tu kadanNa PUANG lako Puangku Nakua: Nno’ko’Ko dio kananKu, sae lako Kupopengkanorongna nasang tu mai ualimMu Mupolilli’ lentek.

PA’PUDIAN 18:47

Iatu PUANG tuo sia mintu’na kadipudian lu lako nasang PUANG, buntu batungku, sia sipatu tu Puang Matua, oto’na kasalamarangku dipekalangka’I.

PA’PUDIAN 66:5

Maikomi untiro penggauranNa Puang Matua; metakuran tu penggauranNa lako mintu’ ma’rupa tau.

PA’PUDIAN 81:14

Kenna perangiiNa’ taungKu, sia kenna turu’i to Israel tu pepasanKu!

PA’PUDIAN 95:3

Belanna iatu PUANG iamo Kapenomban mala’bi’, sia iamo Datu kapua, tu untongloi mintu’ deata!

PA’PUDIAN 99:2

Pasareongan tu PUANG lan Sion. Sia Iamo untongloi mintu’ bangsa.

YEREMIA 10:7

Mindara tu la tang ungkataku’Komi, o Datunna mintu’ bangsa? Manassa Kamu tu sipatu dikataku’! Belanna dio lu to matarru’na mintu’ bangsa sia mintu’ datunna tau iato mai tae’ tu padamMi.

ZAKHARIA 14:9

Sia PUANG la dadi datu lan mintu’ lino; allo iato la misa’ri tu PUANG sia iatu sanganNa la misa’ dukari.

MALEAKHI 1:14

Tampak ropu duka lako tu to ma’pakena, ke denni misa’ patuoan laki lan tuntunanna, tu mangka nadandi lan pangallonanna, apa napennoloan tu misa’ patuoan tu den tattanna lako PUANG! Belanna Aku te, Datu pasareongan, kadanNa PUANGna mintu’ ma’dandan maritik, sia metakuran tu sangangKu dio lu mintu’ bangsa.

1 KORINTUS 15:25

Belanna inang sipato’ ma’parenta susi datu, sae lako Napadiongna nasang Puang Matua to’ lentekNa tu mintu’ uali.

PA’TOLE 33:29

Maupa’ko, e to Israel; mindara susimmu? Iamotu misa’ bangsa Nalendokan PUANG, tu balulang patunduammu sia pa’dang kamatandeammu. Iamoto na iatu ualimmu unna’ga to mengkanorong bangmo kalena lako kalemu, sia mulese tu padang madaona.

FILIPI 3:21

tu la umpopembali te kale lanta kamakario-rioanta, anna susi kale lanNa kamala’biranNa, situru’ tu kuasa Napokuasa umpopengkanorongi tu mintu’ angge maritik lako Kalena.

YOSUA 21:44

Nakamaseimi PUANG karapasan tiku lao tu tau iato mai, susitu mintu’na mangka Naallu’ Napalaoi sumpa lako nene’ to dolona; moi misa’ ualinna tae’ unnattai bendan, dio tingayona; iatu mintu’ ualinna Nasorong PUANG tama kuasanna.