PA’PUDIAN 3:4 - Sura' Madatu

⁴ Apa, o PUANG, Kamumo tu balulang perindingku, Kamumo tu kamala’birangku, sia Kamumo tu umbangunan ulungku.

PA’PUDIAN 3:4 ပူးပေါင်းရင်းမြစ်များ

KADADIAN 15:1

Ta’kala tonna mangka tu mintu’nato, saemi kadanNa PUANG lako Abram lan patiro mendeata Nakua: Da mumataku’, e Abram, belanna Akumo tu balulang toto’mu sia rongko’ kapuamu.

PA’PUDIAN 119:114

Kamumo tu pentirerungangku sia balulang toto’ku, kurannuan tu kadamMi.

PA’PUDIAN 138:3

Iatongku meongli’, Mitananni siamo’ talinga, sia Mipabatta’ tu penaangku anna bantang.

PA’PUDIAN 18:3

O PUANG, buntu batungku sia tambakukungku sia To urrampananna’, Iamo kapenombangku sia buntu batungku, tu kunii mentirerung, Iamo kupobalulang, sia tanduk kasalamarangku, sia pentionganan layukku.

PA’PUDIAN 2:6

Manassa mangkamo Kupamatu’tun tu datungKu, dao Sion buntu maindanKu!

PA’PUDIAN 27:6

Na totemo natongloi ulungku tu mintu’ ualingku tiku lao. Sia la umpemalaranna’ pangurandean situang arrak lan tendaNa, la sumengona’ sia la kupenanian pa’pudian tu PUANG.

PA’PUDIAN 28:7

PUANGmo kamatotorangku sia balulangku; Iamo nakatappa’i penaangku, angku appa’mo pa’tunduan. Iamoto anna sende paiman tu penaangku sia la kupakendekan pa’pudi-pudiangku.

PA’PUDIAN 34:4

La mituru’na’ umpakapua PUANG, melo ke pada-padaki’ umpakala’bi’ sanganNa.

PA’PUDIAN 34:6

Iatu tau iato mai mentingara langngan Puang, anna mabaliga’ tu lindona belanna parannu, sia iatu lindona tae’ natodingi siri’.

PA’PUDIAN 43:3

Pasonglo’mi tu maseroMi sia kamanapparamMi; anna anta’na’, sia umbaana’ langngan buntu maseroMi, sia lako inan Minii torro,

PA’PUDIAN 50:15

Sia meongli’ko lako Kaleku lan kapussakan, Aku la ungkarimmanniko, ammu pakala’bi’Na’. Sela

PA’PUDIAN 62:8

Lan Puang Matua nanii tu kasalamarangku sia kamala’birangku, iatu buntu batu matoto’ku sia pentirerungangku iamo Puang Matua.

PA’PUDIAN 84:12

Belanna PUANG Kapenomban, iamo matanna allo sia balulang toto’, sia PUANG umpa’ben pa’kamase sia kamala’biran; sia tae’ duka kameloan tang Naben to lolang malambu’.

PA’PUDIAN 89:19

Belanna iatu balulangki lu dio mai PUANG, sia iatu datungki lu dio mai To maserona to Israel.

PA’PUDIAN 91:15

Ianna meongli’ ussa’bu’na’, la Kubalii; sia la Kurondong lan mintu’ kamandasanna, la Kurampanan sia la Kupamala’bi’.

PA’PUDIAN 99:9

Pakala’bi’i tu PUANG, Kapenombanta, sia tukkukomi menomba umpennoloi buntu maindanNa, belanna masero tu PUANG, Kapenombanta.

SARAMBU PEADA’ 2:7

Ia umparandananni pa’tunduan tu to bulo lollong, sia Ia napobalulang minda-minda tu to lolang tae’ sayuanna.

YESAYA 65:24

La dadi, iake tae’pi nameongli’ tu tau iato mai, la mebaliMo’ sia iake marassan bangsiai ma’kada, la Kutarimamo.

BATING 3:56

Mitananni talinga tu peongli’ku, da Misissinganni talinga tu sarroku sia pengkamoyaku.

MATIUS 7:7

Palakui, ammi diben, daka’i ammi appa’i; tumbekki tu ba’ba ammi dibungkaran.

YAKOBUS 5:13

Denrokomika tu masussa? sipatu la massambayang. Denkomiraka parannu? sipatu la umpopenani pa’pudian.