PA’PUDIAN 2:4 - Sura' Madatu

⁴ Iatu To unnisung dao suruga la metaa, la Natelle-telle PUANG tu tau iato mai.

PA’PUDIAN 2:4 ပူးပေါင်းရင်းမြစ်များ

2 DATU 19:21

Inde sia tu kada Napokada PUANG diona datu iato, Nakua: Iatu simbolong manik, iamo anak dara Sion, untapa’ko sia untelle-telleko; iatu anak dara Yerusalem unniling-iling dio boko’mu.

PA’PUDIAN 11:4

Iatu PUANG tongkon lan banua kabusunganNa, sia lan suruga tu isungan kapayunganNa PUANG; mentiro tu matanNa, sia kulimbang matanNa ussudi mintu’ ma’rupa tau.

PA’PUDIAN 115:3

Iatu Kapenombangki dao mai suruga, mintu’ pa’poraianNa Napogau’ Ia.

PA’PUDIAN 123:1

Nanian Hamaa’lot. Mentingara mati’na’ Kalemi, o PUANG, unnisungi suruga.

PA’PUDIAN 37:13

Apa la Napetaai Puang, belanna Natiro tu allo sumandakna la sae.

PA’PUDIAN 53:5

Tae’raka kapaissananna tu mintu’ to ma’gau’ kadake, tu unnimbakan taungKu butung ungkande bo’bo’? sia tae’ nameongli’ lako Puang Matua.

PA’PUDIAN 59:8

Pambura-bura tu sadangna ussa’bu’ pebe’se, sia mataran tu lilana susi pa’dang, belanna nasanga kumua: Mindara la urrangii?

PA’PUDIAN 59:9

Apa Mipetaai tu tau iato mai, o PUANG, sia Mitelle-telle tu mintu’ to tang untandai kapekaalukan,

PA’PUDIAN 68:33

E mintu’ parenta lan te lino, penanianni tu Puang Matua, pakendekanni pa’pudian tu Puang; Sela

SARAMBU PEADA’ 1:26

iamoto la kupetaai duka tu kasanggangammi, sia patellena’, ke narampoikomi tu mipomagiangna.

YESAYA 40:22

Iatu Puang unnisung dao lino malepong, na iatu tolino butung bangri batik. Ia umballa’ langi’ takua to sampin, Naballa’ susito tenda nanii torro.

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

YESAYA 66:1

Nakua kadanNa PUANG: Iatu langi’ iamo isungan kapayungangKu, na iatu lino iamo pelleseangKu; umbamira tu banua la migaraganNa’, ba’tu umbamira tu inan kapelayoangKu?