PA’PUDIAN 143:3 - Sura' Madatu

³ Belanna iatu uali naula’ sumpumo tu deatangku sia nalullu’ tu sumanga’ku rokko padang, sia napanno’ko’na’ lan to’ malillinna butung to masai allomo mate.

PA’PUDIAN 143:3 ပူးပေါင်းရင်းမြစ်များ

2 SAMUEL 18:11

Ma’kadami Yoab lako tu to umpokadanni tu iannato nakua: Mutiro tu iannato, ma’apai natae’ muba’tai inde to dio anna memassan rokko padang? Na aku ia umbenko salaka sangpulo batunna sikele’ sia salipi’ misa’.

2 SAMUEL 2:22

Nakua pole’omi Abner lako Asael: Mallaiko dio mai boko’ku. Apara gai’mu la kusambakki ammu songka rokko padang? Undinna umba la kukua untiroi tu lindona Yoab, kakammu?

PA’PUDIAN 142:6

O PUANG, meongli’ mati’na’ Kalemi; kukua: Kamumo tu pentionganangku, sia kamumo tu kataanangku illan tondok to tuo.

PA’PUDIAN 35:4

Melo ke kasirisanni sia lele bekoi tu to undaka’ lalan la ungka’tu sunga’ku, sia la sorong boko’ sia natoding siri’ tu mintu’ to undakaranna’ kakadakean.

PA’PUDIAN 54:3

Lendokanna’, o Puang Matua, tete dio sangamMi, sia sanda tongannina’ tete dio kuasamMi.

PA’PUDIAN 7:5

iake kupogau’ lenmi tu kakadakean lako to kusikadamakan, pissanmi to mangkamo kurampanan tu to tae’ bannangna nanii ungkabiri’na’,

PA’PUDIAN 7:6

elo’na naula’ sumpuna’ ualingku anna alaina’, sia nalullu’i rokko padang tu sunga’ku, sia nalamma’i rokko litak tu deatangku. Sela

BATING 3:6

Napanno’ko’na’ lan to’ malillinna susito mate masai allomo.

YEHEZKIEL 37:11

Ma’kadaMi lako kaleku, Nakua: E ma’rupa tau, iate mintu’ buku iate, iamo mintu’ to Israel. Tonganna ma’kada tu tau iato mai nakua: Iatu mai bukungki marangkemo sia ka’tumo tu rannungki, upu’mo alloki.

MIKHA 7:8

Da muposendei tu a’gangku, e uali baine: moi angku tobang, manassa la bendanna’ sule; moi angku unno’ko’ lan kapittukan, manassa PUANG la dadi arrangku.