PA’PUDIAN 135:9 - Sura' Madatu

⁹ Sia tu umpaden tanda kalle-kallean sia tanda mangnga lan tangngamu, e Mesir, lako kalena Firaun sia lako taunna.

PA’PUDIAN 135:9 ပူးပေါင်းရင်းမြစ်များ

NEHEMIA 9:10

Sia miparampomo tu ba’tu pira-pira tanda kalle-kallean sia tanda mangnga lako Firaun, sia mintu’ taunna sia mintu’ tau lan tondokna, belanna Miissan tu kedona tau iato mai matampo lako taumMi, sia Mipadenammo Kalemi tu misa’ sanga susitu den allo iate.

PA’PUDIAN 136:15

Apa Nabolloan tu Firaun sola mintu’ to untoe kassa’na tama tasik Teberau, belanna iatu kamasokananNa tang tileluk sae lakona.

PA’PUDIAN 78:12

Dio tingayona nene’ to dolona Nanii Puang umpogau’ ba’tu pira-pira tanda kalle-kallean dio tana Mesir, dio padang Zoan.

PENGGAURANNA RASULU’ 7:36

Iamo ussolanni sun tu tau, tonna mangka umpadenanni tu tanda mangnga sia tanda kalle-kallean dio tana Mesir, sia dio tasik Mararang, sia dio padang pangallaran patangpulo taunna.

PA’TOLE 4:34

Ba’tu denmoraka misa’ deata untobai sae la unnalan kalena misa’ bangsa dio mai tangngana bangsa senga’, tete dio kadipandasan, tete dio tanda kalle-kallean sia tanda mangnga sia kasirarian, tete dio lima mawatang sia takia’ tie’te’ sia tete dio penggauran ma’patiramban, susitu Napogau’mo PUANG Kapenombammi, te mintu’na te lan Mesir belanna kamu dio pentiromu.

PA’TOLE 6:22

Napogau’mo PUANG tu tanda sia tanda mangnga dio pentirota, tu kalle-kallean sia mesanggangan lako Mesir sia lako Firaun sia mintu’ to lan banuanna.