PA’PUDIAN 128:2 - Sura' Madatu

² Belanna la ungkandeko lolo rangka’mu; la maupa’ko, ondongpi la salama’ko.

PA’PUDIAN 128:2 ပူးပေါင်းရင်းမြစ်များ

YESAYA 3:10

Pokadai tu diona to malambu’ kumua la salama’, belanna tau iato mai la untammu bunga rangka’na.

YESAYA 62:8

Mangkamo umpalao sumpa tu PUANG ussa’bu’ lima kananNa sia takia’ bassinNa kumua: Tae’mo angKu la umpa’benni tu gandungmu lako ualimmu la napotuo sia tae’mo nala unniru’i to sae tu uai anggoro’ mukara’ta’imo.

PA’TOLE 28:4

La masakke tu rianna pa’tambukammu, bura padangmu sia memba’ka’ tu patuoammu, iamotu anak sapimmu sia anak dombamu sia bembe’mu.

PA’TOLE 28:11

PUANG dukamo la ungkamaseiko kameloan sebo, lan rianna pa’tambukammu sia kamemba’karan patuoammu sia bura padangmu – lan tondok, tu Napalaoan sumpa PUANG unnalluranni nene’ to dolomu, kumua la Nabenko.

1 KORINTUS 15:58

Iamoto, e kamu siulu’ pa’kaboro’ku, batta’komi da naleluk penaammi, sia bassa’komi umpengkali-kalii mengkarang lan pengkaranganNa Puang, belanna miissan kumua iatu kamara’tasammi tae’ nala torro sala lan Puang.

TOMANGADA’ 8:12

Belanna iatu to kadake gau’na umpogau’ kakadakean pessaratu’, anna malambe’ siapa tu sunga’na. Moi nasusito kuissan, kumua la salama’ tu to mengkaola lako Puang Matua belanna mataku’ dio oloNa.

EFESUS 6:3

ammu rongko’ sia malambe’ sunga’ lan te lino.

YEREMIA 22:15

Datukomiraka, ammi sipatomporanra kayu arasi’? Iatu ambe’mi tang kumanderaka sia mangiru’ sia umpogau’ salunna sia kamalamburan? Iatonna iato manaman ia.

YESAYA 65:13

Iamoto anNa kuai tu Puangta PUANG: Manassa iatu mai taungKu la kumande apa iatu kamu la tangdia’; iatu mai taungKu la mangiru’, apa iatu kamu la ma’rang; iatu mai taungKu la parannu-rannu, apa iatu kamu la kasirisan.

PA’TOLE 28:51

tu la ungkandei tu anak patuoammu sia bura padangmu, sae lako purammu mangsan; tang natampeammoko gandung, uai anggoro’ sia minna’, sia anak sapimmu sia anak dombamu sia bembe’mu, sae lako purammu namangsanni bangsa iato.

PA’TOLE 28:39

La mutananni tu pa’lak anggoro’mu sia la mubaai, apa tae’ muiru’i ba’tu munanna tu uai anggoro’na, belanna nakande ulli’.

KADADIAN 3:19

La to’dopi tu ma’pu’mu, mumane ungkande kandemu, sae lako sulemu pole lako litak, belanna dio mai dinii unnalako. Apa litakko, dadi la sule lako dukako litak!

PA’PUDIAN 109:11

Nake nasisikki to ma’peindan tu mintu’ apanna, sia da’ito narampai to salian lembang tu apa nakara’ta’i.

PA’TOLE 28:8

Iatu PUANG la umpasonglo’ kamasakkean lako kalemu lan alangmu sia lan mintu’ apa mutoe; la Napamasakkeko lan tondok, tu la Nabenko PUANG, Kapenombammu.

PA’PUDIAN 1:3

Belanna sangtinti ia kayu, ditanan dio to’ randan lalan uai, tu membua ke nalambi’mi attunna, sia tang malayu tu daunna, sia mintu’ tu mai napogau’na, umpabu’tuanni kameloan.