PA’PUDIAN 113:9 - Sura' Madatu

⁹ Iatu to tamanang lan tananan dapo’na Napatulangdan Napoindo’ ba’tu pira-pira pia anna parannu paiman. Haleluya!

PA’PUDIAN 113:9 ပူးပေါင်းရင်းမြစ်များ

KADADIAN 25:21

Iatu Ishak malaku tongan langngan PUANG diona bainena, belanna tamanang: Napalalomi PUANG tu palakunna, ma’tambukmi tu Ribka, bainena.

2 DATU 4:17

Ma’tambukmi tu baine iato anna kianakan misa’ pia muane to attu ia bangsiamoto tonna lendu’mo sangtaun, susitu mangka napokada Elisa lako kalena.

PA’PUDIAN 68:6

Iatu Puang Matua tongkon lan inan maindanNa, Iamo umpoanak pia biung sia to ma’pakalolona mintu’ baine balu.

YESAYA 54:1

Kumalasiko, e iko tu tamanangna, tu tae’na bangpa mukianak; unnarrakko sia unnangnga’ko, e iko tu tae’na lenpa mumangurria’, belanna iatu to tae’ balinna mandu buda anakna na iatu to mendapo’, kadanNa PUANG.

KADIBILANGAN 5:28

Apa iake tae’i naruttakki kalena tu baine iato, sangadinna masero dio mai sala, manassa tae’ narampoi ukungan sia ma’din kianak.

GALATIA 4:27

Belanna den disura’, nakua: Parannuko, e iko tu tamanangna sia tang kianakna, kumalasi-lasi sia sumapukoko, e iko tu tang untandainna kamapa’diran mangurria’. Belanna makianakammo tu to tae’ balinna anna to kemuane.

1 SAMUEL 2:5

Iatu to dia’ undaka’ saroan kande unnappa’ kande, anna iatu to tangdia’ ma’din melayo. Iatu to tamanang la kianak sae lako pempitu, anna iatu to makianakan la madodong bangmo.