PA’PUDIAN 113:6 - Sura' Madatu

⁶ Sia kumorong rokko anNa linde-lindei tu mintu’ lanna langi’ sia lanna lino?

PA’PUDIAN 113:6 ပူးပေါင်းရင်းမြစ်များ

AYUB 15:15

Manassa iatu to maseroNa tae’ Nakatappa’i Puang, moi anna mintu’ to untorroi suruga tae’ duka namasero dio pentiroNa;

AYUB 28:24

Belanna Puang mentiro sae lako randan langi’, iatu mintu’ apa nasambo langi’ Natiro nasang.

AYUB 4:18

Manassa iatu mai taunNa tae’ Nakatappa’i sia iatu mai malaeka’Na Naapparan tu kapusanna;

PA’PUDIAN 11:4

Iatu PUANG tongkon lan banua kabusunganNa, sia lan suruga tu isungan kapayunganNa PUANG; mentiro tu matanNa, sia kulimbang matanNa ussudi mintu’ ma’rupa tau.

PA’PUDIAN 138:6

Tonganna kumua matande liu tu PUANG, anNa tiro lumbang to umpopengkadiongan penaanna, na iatu to matampo mambelapa naissanni.

PA’PUDIAN 33:14

Dao mai inan Naisungi Nanii umpenunu mintu’ to untorroi kuli’na padang,

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

YESAYA 6:2

Den ba’tu pira-pira Serapin untalimbungI tama, rundunni pani’ siannan; da’dua pani’ nasamboan lindona, da’dua pani’ nasamboan lentekna, na da’dua pani’ napake mettia’.

YESAYA 66:2

Mintu’nate apa iate inang panggaraga limangKu, susimoto anna dadi tu mintu’ ma’dandan maritik, kadanNa PUANG; apa iatu tau iato Kutiro lumbang, iamotu to umpamadiongan penaanna sia to bonnong penaanna sia ungkataku’ kadangKu.