PA’PUDIAN 113:4 - Sura' Madatu

⁴ Iatu PUANG undoanni mintu’ bangsa, sia iatu kamala’biranNa untongloi langi’.

PA’PUDIAN 113:4 ပူးပေါင်းရင်းမြစ်များ

1 DATU 8:27

Apa tongannaraka tu Puang Matua torro dao kuli’na padang? Iatu langi’, moi na iatu langi’ ma’iringanna dao, tae’ anna kullei unnalaKomi, apa pole’pa te banua iate tu mangka kubangun.

PA’PUDIAN 148:13

La napudi massola nasang tu sanganNa PUANG, belanna sanganNa mannari ia tu patongloan liu, sia kamala’biranNa ussamboi lino na langi’.

PA’PUDIAN 8:1

Lu lakona pangala sengo. Unturu’ baenan sengona Gitit. Pa’pudianna Daud.

PA’PUDIAN 97:9

Belanna Kamumo, o PUANG, tu patodoranna lan mintu’ narande tana, sia Kamumo tu layukna anna mintu’ deata.

PA’PUDIAN 99:2

Pasareongan tu PUANG lan Sion. Sia Iamo untongloi mintu’ bangsa.

YESAYA 40:15

Iatu mintu’ bangsa dipasangtinti uai sangto’doan lan petimba sia pada to barra’-barra’ dao timbangan; iatu lebukan susito barra’-barra’ manisak titale’.

YESAYA 40:17

Iatu mintu’ bangsa dio oloNa Puang butung to tae’ bang apa, mintu’nato Nasanga susito apa tae’, sia tae’ gai’na.

YESAYA 40:22

Iatu Puang unnisung dao lino malepong, na iatu tolino butung bangri batik. Ia umballa’ langi’ takua to sampin, Naballa’ susito tenda nanii torro.

YESAYA 66:1

Nakua kadanNa PUANG: Iatu langi’ iamo isungan kapayungangKu, na iatu lino iamo pelleseangKu; umbamira tu banua la migaraganNa’, ba’tu umbamira tu inan kapelayoangKu?