PA’PUDIAN 113:3 - Sura' Madatu

³ Iatu sanganNa PUANG sipatu dipudi randuk dio mai kadellekan allo landa’ lako kabotoan kulla’.

PA’PUDIAN 113:3 ပူးပေါင်းရင်းမြစ်များ

PA’PUDIAN 18:3

O PUANG, buntu batungku sia tambakukungku sia To urrampananna’, Iamo kapenombangku sia buntu batungku, tu kunii mentirerung, Iamo kupobalulang, sia tanduk kasalamarangku, sia pentionganan layukku.

PA’PUDIAN 48:10

O Puang Matua, kikilalai bang tu kamasokanamMi lan lisu banuamMi.

PA’PUDIAN 50:1

Pa’pudianna Asaf. Puang Matua undaoanni mintu’ deata, Iamo PUANG, ma’kada sia untambai mintu’ banne lino randuk lan mai matallo landa’ rokko kalambunan.

PA’PUDIAN 72:11

Sangapaoi anna mintu’ datu tukku sae rokko padang dio olona, sia angganna bangsa la mengkaola lako,

PA’PUDIAN 86:9

Mintu’na bangsa tu mangka Mikombong la sae menomba dio oloMi, o Puang, sia umpakala’bi’ sangamMi.

YESAYA 24:16

Dio mai randan langi’ kirangi tu pa’pudian, umpakala’bi’ to masallo’. Apa kukua: Sanggangna’, sanggangna’, upu’ alloku! umpogau’mo kakelokan tu to tang maruru’, sia lolangmo lan kakelokanna.

YESAYA 49:13

Siarrakangkomi, e langi’ sia sikumalasiangko, e lino, unnangnga’komi, e buntu, belanna PUANG umpakatanai tu mai taunNa sia ungkaturu-turui mintu’ to dipandasaNa.

YESAYA 59:19

Attu iato la nakataku’ tau tu sanganNa PUANG diong lu kabotoan allo sia la nakabangnga’ tau tu kamala’biranNa lan kabu’tuan kulla’, belanna la sae susito uai saba’ natu’ba’ penaanNa PUANG.

HABAKUK 2:14

Belanna la naponnoi kapaissanan diona kamala’biranNa PUANG tu mintu’ lino, susi uai buda ussamboi salinna tasik.

MALEAKHI 1:11

Belanna dio mai tu inan nanii berre’ mata allo sae lako naninna lambun, pasareongan tu sangangKu dio lu mintu’ bangsa, sia dio mintu’ inan dinii umpennoloan dupa sia pemala’ masero tu sangangKu, belanna pasareongan sangangKu dio lu mintu’ bangsa, kadanNa PUANGna mintu’ ma’dandan maritik.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.