PA’PUDIAN 103:18 - Sura' Madatu

¹⁸ Iamotu lako mintu’ to ungkaritutui basseNa Puang, sia to ungkanannangi tu parentaNa anna turu’i.

PA’PUDIAN 103:18 ပူးပေါင်းရင်းမြစ်များ

2 OSSORANNA DATU 34:31

Bendanmi tu datu dio inanna, anna tanan misa’ basse dio oloNa PUANG, kumua naturu’i tau tu PUANG sia lantuk penaanna sia deatanna ungkaritutui tu pepasanNa sia pa’pangada’Na sia iatu mintu’ apa Napondok sia unturu’i tu mintu’ kada basse tu disura’ lan sura’ iate.

PA’PUDIAN 132:12

Iake nakaritutui bati’mu tu basseKu sia iatu kasabi’angKu tu Kupatuduanni, manassa iatu mai bati’na la unnissungi kapayungammu tontong sae lakona.

PA’PUDIAN 25:10

Mintu’ lalanna PUANG iamo kamaturu-turuan sia kamarurusan, lako to ungkaritutui basseNa sia mintu’ kasa’bianNa.

KATASSURAN 19:5

Iamoto, iammi perangii tonganni tu kadangKu sia mikaritutui tu basseKu manassa dio mai mintu’ bangsa kamumo tu dadi mana’Ku, belanna mintu’ lipu daenan Aku puangna.

KATASSURAN 24:8

Naalami Musa tu rara iato, napi’pikanni tu tau iato mai, anna ma’kada nakua: Tonganna iamote tu rara basse, tu Natanan PUANG misibassei tu menggaronto’ lan mintu’ kada iate.

SARAMBU PEADA’ 3:1

E anakku, da mutang kilalai tu pa’pangada’ku sia la nakaritutui penaammu tu mintu’ pepasanku,

YESAYA 64:4

Tempon dio mai tae’ anna rangi lenni tau ba’tu tama talinga sia tae’ natiroi mata tu misa’ Kapenomban senga’ anna Kamu, tu sae umpalalao pa’tunduan lako to untayanNi.

KADIBILANGAN 15:40

kumua ammi kilalai sia unturu’i tu pepasanKu, ammi masero dio oloNa Kapenombammi.

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

LUKAS 1:6

Iatu tau sola duai malambu’ penaanna langngan Puang Matua, napengkaolai bang tu pepasanNa sia Sukaran alukNa Puang, tae’ napasalai penaa.

PENGGAURANNA RASULU’ 24:16

Ia dukamora te ianna te kunii umpembela-belai, kumua angku tontong untambuk inaa masero pindan la langngan Puang Matua la lako tolino.

PA’TOLE 4:23

Kanandai tu kalemi, da mikalupai tu basseNa PUANG, Kapenombammi, tu mitanan sola, ammi garagai tu rapang-rapang dipodeata, merrupa misa’ apa, tu Napa’gagai PUANG, Kapenombammu, lako kalemu.

PA’TOLE 7:12

La dadi tu iannato, ke miperangii te atoran sia mikaritutui tongan, tu Napobannang PUANG, Kapenombammu untoe manda’i tu basse mutanan sola sia umpalanda’i tu kamasoka- nanNa, tu Naallu’ lako nene’ to dolomu, tu Napamatoto’ Napalaoi sumpa.

PA’TOLE 7:9

ammu issanni, kumua iatu PUANG, Kapenombammi, Kapenomban misari, iamotu Kapenomban maruru’, tu untoe manda’i tu basse sia umpalanda’ kamasokananNa lako mintu’ to ungkamali’I sia ungkaritutui pepasanNa sae lako massa’bu-sa’bu osso’na.

1 TESALONIKA 4:1

Sia indepa, e sangsiulurangku, kipalaku lako kalemi sia kipakilalakomi lan Puang Yesu, susitu mangkanna mitarima dio mai kaleki, kumua umba la mipakuanni tu gau’mi anNa poraikomi Puang Matua, – susitu mipogau’ sia –, susi dukamoto la samipakendek-kendekna tu pengkaolammi.