PA’PUDIAN 100:3 - Sura' Madatu

³ Issanni kumua iatu PUANG, iamo Puang Matua. Iamo ungkombongki’ na kita te kombongNaki’, taunNaki’ sia domba nalaai.

PA’PUDIAN 100:3 ပူးပေါင်းရင်းမြစ်များ

2 DATU 19:19

Iamoto, o PUANG, Kapenombangki, lendokangkan dio mai kuasanna, anna issanni mintu’ kadatuan lan te lino, kumua Kamu mannari, o PUANG, tu Kapenomban.

1 OSSORANNA DATU 16:14

Iatu PUANG, Iamo Kapenombanta, Sia mintu’ pa’paolaianNa salu lalo lan mintu’ lino.

AYUB 10:3

Denraka upa’Mi, ke Mipakario-rioi sia Mitibe tu panggaraga limamMi sia Mipaparrangi masiang tu pa’tangngaranna to tang mekaaluk?

PA’PUDIAN 119:73

LimamMimo tu ungkombongna’ sia umpatepuna’, benna’ kapaissanan angku issanni umpelada’i tu mai pepasanMi.

PA’PUDIAN 12:4

Sanggangimi, PUANG, tu mintu’ puduk passede sia mintu’ lila ma’kada madongnga’.

PA’PUDIAN 149:2

La naposande’ to Israel tu To manampana, sia la sila’tekan tu pia to Sion belanna diona Datunna!

PA’PUDIAN 46:10

Napasoro’ ambun tu tananan ra’ landa’ lako randanna langi’, Narebong-rebong tu tinaran, sia Napolo tu doke, sia Natunu api tu mintu’ kareta.

PA’PUDIAN 78:52

Apa Napasangtiangkaran Nasolan sun tu taunNa butung domba sia bembe’ ma’baanan, sia Naturu’ mana’pa dio lu padang pangallaran ten patuoan.

PA’PUDIAN 79:13

Na kami te, taumMi, sia domba Mikambi’, la umpudiKomi tontong sae lakona, sia kisiosso’i umpa’peissanan kadipudi-pudiamMi.

PA’PUDIAN 95:3

Belanna iatu PUANG iamo Kapenomban mala’bi’, sia iamo Datu kapua, tu untongloi mintu’ deata!

KATASSURAN 6:7

Aku la ussolangkomi tama tondok, tu umpalaoNa’ sumpa unnallu’i la umbenni Abraham, Ishak sia Yakub: Akumo la umbenkomi la dadi misa’ mana’, iamotu Aku, PUANG.

TOMANGADA’ 12:1

Iamoto, kilalai tu Totumampamu lan attu kamangurammu, namane sae tu allo kadake sia taun, tu la mupokada diona a’ganna: Tae’ naalai penaangkuto.

YESAYA 63:11

Apa Nakilalai to attu mangka diboko’. Naingarammi tu Musa sia taunNa. Umbamira Ia tu To mangka ussolan to mangkambi’ baanan dombaNa diong mai to’ uai? Umbamira tu To mangka untua’ Penaa Masallo’Na tama ba’tengna tau iato mai?

YESAYA 63:19

Iatu kami susi bang to tae’pa Miparentakan tempon dio mai, sia susi bang to tae’ lenpa nadisa’buran sangamMi.

YESAYA 64:7

Sia tae’mo misa’ tu to ussa’bu’ sangamMi sia umpamukkun kalena la la’ka’ lako Kalemi; belanna Mibuniangkan tu lindoMi, sia Mipopa’elo’nakan lako kuasanna mintu’ kakadakeangki.

YEREMIA 10:10

Apa PUANG, Iamo Kapenomban tongan, Iamo Kapenomban tuo sia Datu matontongan; tete dio kare’dekanNa anna tigega’ tu lino sia iate mai bangsa tae’ untananni tu kasengkeanNa.

YEHEZKIEL 34:11

Belanna inde sia tu kadanNa Puangta PUANG, Nakua: Manassa Aku kalena la umpoinaai tu mai dombaKu sia la untiroi;

YOHANES 17:3

Inde sia tu katuoan tontong sae lakona, ke natandaiKomi, o Puang tu misari sia tongan, sia iatu Yesu Kristus tu mangka Misua.

2 KORINTUS 4:6

Belanna Puang Matua mangka ma’kada kumua: La parrang, tu arrang lan mai malillinna, Ia dukamo parrang lan penaangki umpaarrangikan kapaissanan kamala’biranNa Puang Matua lan rupanNa Kristus.

EFESUS 2:10

Belanna kita te panampaNaki’, Napadadiki’ lan Kristus Yesu la umpogau’ kameloan, tu Naparandan dolomo Puang Matua, kumua anta karitutui tu mintu’nato.

PA’TOLE 32:15

Attu iato malompomi tu Yesyurun, anna metteba’ – malompomoko, kumamuru sia nakabu’ lompo – anna tampei tu Puang Matua, tu mangka ungkombongi, tang nabilangmo tu Buntu batu, Oto’na kasalamaranna.

PA’TOLE 32:6

Susimorakato tu pa’papakkanmi lako PUANG, e iko, bangsa baga sia tang paissan? Tangiaraka Ambe’mu tu umpadadiko, tu untampako sia umpatunannangko?

PA’TOLE 4:35

Mangkamoko dipakitan, ammu issanni, kumua iatu PUANG Iamo Kapenomban, tae’ naden senga’na sangadinna Ia manna.

PA’TOLE 4:39

Totemo la mutandai sia la mupalan penaa, kumua iatu PUANG Iamo Kapenomban lan langi’ dao sia dao kuli’na padang inde to diong, tae’ senga’na.

PA’TOLE 7:9

ammu issanni, kumua iatu PUANG, Kapenombammi, Kapenomban misari, iamotu Kapenomban maruru’, tu untoe manda’i tu basse sia umpalanda’ kamasokananNa lako mintu’ to ungkamali’I sia ungkaritutui pepasanNa sae lako massa’bu-sa’bu osso’na.

1 PETRUS 2:25

Belanna dolona pusakomi susi domba, apa totemo mengkara’pa lu lakomokomi To mangkambi’ sia To ungkatirinnai deatammi.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

1 PETRUS 4:19

Iamoto sipatu tu mintu’ to umperasai kamaparrisan situru’ pa’poraianNa Puang Matua ussorong penaanna lako To tumampa maruru’, anna pogau’ kamalamburan.

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.