PA’PUDIAN 100:2 - Sura' Madatu

² Mengkaolakomi langngan PUANG situang kaparannuan, sia maikomi ra’ban-ra’ban menani mennolo dio oloNa.

PA’PUDIAN 100:2 ပူးပေါင်းရင်းမြစ်များ

1 DATU 8:66

Iatonna allo ma’pengkaruamo nasuami male tu to buda, anna palakuanni tau iato mai kamasakke-sakkean tu datu, namane sule lako tendana, parannu sia sende-sende diona kameloan, tu Napogau’ PUANG lako Daud, taunNa, sia lako to Israel, taunNa.

2 OSSORANNA DATU 29:30

Mangkato mesuami tu datu Hizkia sola mintu’ pangulu lako to Lewi, la umpudi PUANG ussa’bu’ kadanna Daud sia Asaf, to patanda-tandan. Napopenanimi tu pa’pudi-pudian siparannu-rannu, malinguntu’ sia tukku menomba.

2 OSSORANNA DATU 31:2

Napamanassami Hizkia tu mintu’ golongan to minaa sia to Lewi, sitinaya pentoeanna to minaa ba’tu to Lewi, la umpemalaran pemala’ ditunu pu’pu’ sia pemala’ kasalamaran, la mengkarang sia umpudi-pudi sia ussa’bu’ pa’pudi-pudian lan babangan to’ tendaNa PUANG.

PA’PUDIAN 42:4

Tae’mo kukumande sangadinna uai matangku mannamo kuparra keallo kebongi, belanna nakuan bangmo’ tau kiallo kumua: Umbamira tu Kapenombammu?

PA’PUDIAN 71:23

La mela’tek tu lilaku, ke kupakendekangKomi pa’pudian, ten duka deatangku to tu mangka Milendokan.

PA’PUDIAN 95:2

Maikomi anta ma’kurre sumanga’ umpennoloi oloNa, sia mela’tek umpakendekanni pa’pudian.

PA’TOLE 12:12

La parannukomi dio oloNa PUANG, Kapenombammi, la kamu la anakmi muane la anakmi baine la kaunanmi muane la kaunanmi baine, sia to Lewi, tu torro lan babangan kotami, belanna tae’ apa napoapa sia tae’ apa napotaa mana’ dio lu kamu.

PA’TOLE 16:11

La parannu-rannuko dio oloNa PUANG, Kapenombammu, iko sola tu mai anakmu muane sia iatu mai anakmu baine, kaunanmu muane sia ia tu mai kaunanmu baine, sola to Lewi, tu torro lan babangan kotamu, sia to sae, sia pia biung sia baine balu, tu misisolan, dio inan tu la Napilei PUANG, Kapenombammu, la Napannii sanganNa dio.

PA’TOLE 16:14

La parannu-rannuko dio pa’maruasammu, iko sola tu mai anakmu muane sia iatu mai anakmu baine, kaunanmu muane sia kaunanmu baine sia to Lewi, to sae, pia biung sia baine balu, tu torro lan babangan kotamu.

PA’TOLE 28:47

Belanna tae’ muparannu sia sende umpengkaolai PUANG, Kapenombammu, napobua’ mintu’ kaseboanna kameloammu,

FILIPI 4:4

Tontongkomi parannu tete dio Puang, kutolepa pissan kupokada kumua: parannukomi.