PA’PUDIAN 1:2 - Sura' Madatu

² sangadinna iatu kasendeanna lan manna Sukaran alukNa PUANG, sia unnannung Sukaran alukNa keallo kebongi.

PA’PUDIAN 1:2 ပူးပေါင်းရင်းမြစ်များ

KADADIAN 24:63

Sunmi tu Ishak sumalong dio lu padang ma’tangnga’-tangnga’ tonna solo’ allo, naadonganni tu ulunna, pakalan anna tiroi tu ba’tu pira-pira unta sae.

EZRA 7:10

Belanna napabatta’mo Ezra tu penaanna la umparessai tu Sukaran alukNa PUANG sia la unturu’i sia umpa’pangadaranni tu mintu’ apa dipondok sia atoran dio lu to Israel.

AYUB 23:12

Iatu pepasan sun dipudukNa tae’ kupatoyangi, lan ba’tengku kuanna tu kada Nasa’bu’.

PA’PUDIAN 104:34

Sangapaoi anna alai penaanNa tu mintu’na lalan ba’tengku! Iate aku la parannu paimanna’ lan PUANG.

PA’PUDIAN 112:1

Haleluya! Maupa’ tu to ungkataku’ PUANG, sia to ungkamali’ tonganni tu pepasanNa.

PA’PUDIAN 119:1

Maupa’ tu mintu’ to malolo lalanna, sia to unturu’ mana’pa Sukaran alukNa PUANG.

PA’PUDIAN 119:11

Iatu kadamMi kuanna rara’ lan batu ba’tengku, dikua da angku kasalan mati’ Kalemi.

PA’PUDIAN 119:35

Pate’tena’ unnola lalan pepasanMi, belanna iamo pa’poraiangku.

PA’PUDIAN 119:72

Iatu atoran Sukaran aluk ombo’ dio randan pudukMi mandu maelo lako kaleku, anna iatu bulaan sia salaka massa’bu-sa’bu.

PA’PUDIAN 119:92

Iakenna tang la ia kuposende tu sukaran alukMi, manassa sabu’na’ lan kamaparrisangku.

PA’PUDIAN 40:8

Kukuami: Tiromi, rampoMo’; nalan tu sura’ tilulun diniimo mangka ussura’i tu a’gangKu.

PA’PUDIAN 88:1

Misa’ nanian pa’pudianna bati’na Korah. Lu lakona pangala sengo. Unturu’ baenan sengo: Mahalat Leanot, Misa’ gelong bangunan ada’na Heman, to Ezrahi.

YEREMIA 15:16

Umba-umba kunii unnapparan kadamMi, kukande sia iatu kadamMi kuporannu sia naposende penaangku; belanna iatu sangamMi disa’buranna’, o PUANG Kapenombanna mintu’ ma’dandan maritik.

LUKAS 18:7

Tae’raka nala umpakaloloi Puang Matua tu kara-karana mintu’ to Napilei, tu napalakunna nametamba-tamba lako keallo kebongi sia maremparaka ungkilalai tu tau iato?

LUKAS 2:37

balumo na umbai karuamo pulona nna’pa’ taunna; tae’ bang namemboko’ lan mai banuanNa Puang Matua umpenombai Puang Matua, ma’puasa bang sia massambayang keallo kebongi.

ROMA 7:22

Belanna kukaringnganan tu Sukaran alukNa Puang Matua ke diona a’gan penaa,

1 TESALONIKA 2:9

Tu belanna mikilalai, e sangsiulurangki, tu kamara’tasangki sia kabo’yorangki, tu keallo kebongi mengkarangkan, kumua anna da miden misa’ duka kipamatana’, anna mangkamo kipa’peissanan lako kalemi tu Kareba-kaparannuanNa Puang Matua.

1 TIMOTIUS 4:15

La mupalan ara’ tu iannato, sia la mupangu’gui, anna payan lako mintu’ tau tu sakakendek-kendekammu.

2 TIMOTIUS 1:3

Ma’kurre sumanga’na’ langngan Puang Matua, tu kupenombai susi nene’ to doloku situru’ sukaran inaa masero, kumua tae’ ka’tungku ungkilalaiko lan mintu’ passambayangku keallo kebongi.

YOSUA 1:8

Da nalessu’ dio mai pudukmu tu sura’ Sukaran aluk iate, sangadinna la muparinaa bang ke allo sia ke bongi, ammu turu’ tongan-tonganni tu mintu’ apa disura’ lan, belanna iake susito, la umpamaupa’ko mintu’ lalanmu, sia la rongko’ko.

1 YOHANES 5:3

Belanna iamo kamamaliran lako Puang Matua, ke dikaritutui tu mintu’ parentaNa; iatu mintu’ parentaNa tae’ namagasa.