NEHEMIA 9:8 - Sura' Madatu

⁸ Sia Mitandaimo tu penaanna maruru’ dio oloMi sia mangkamoKomi sibasse la umbenni tu padang to Kanaan, to Het, to Amori, to Feris, to Yebus na to Girgasi lako bati’na. Sia Mipalanda’ tu mintu’ kadamMi, belanna malambu’Komi.

NEHEMIA 9:8 ပူးပေါင်းရင်းမြစ်များ

KADADIAN 12:7

Ta’kala anNa payanmo tu PUANG lako Abram, Nama’kada Nakua: Iate tana la Kuba’giammo lanto mimi’mu. Nagaragami Abram inde to dio tu misa’ inan pemalaran lako PUANG mangka payan lako kalena.

KADADIAN 15:6

Napatonganmi Abram tu PUANG, iamoto tu Nabilang Puang napomalolo Abram.

KADADIAN 22:12

Ma’kadami tu Malaeka’ Nakua: Da mupata’pai lima tu pia, sia da mupatumba lenni, apa Kuissanmo totemo tu kaungkatakurammu Puang Matua, belanna ia duka ia tu anakmu, anak tungga’, tae’ ammu pessinampei lako Kaleku.

2 SAMUEL 22:31

Iatu Kapenomban sundun tu lalanNa, iatu kadanNa PUANG tang kabissikan. Iamo napobalulang mintu’ to umposan- de’i.

1 OSSORANNA DATU 1:14

sia iatu to Yebusi sia to Amori sia to Girgasi

1 OSSORANNA DATU 16:16

iamotu basse Napantok sola Abraham, Sia sumpaNa lako Ishak.

EZRA 9:15

O PUANG, Kapenombanna to Israel, Kamumo tu malambu’, belanna torro siapakanni pira tu tilendokna, susite allo iate. Manassa bendankan dio oloMi nakabu’kan kasalangki. Tonganna moi misa’ tau tae’ nakullei torro bendan dio oloMi.

NEHEMIA 9:33

Apa Kamumo tu malambu’ lan mintu’ apa urrampoikan, belanna Mipa’petiroammo tu kamarurusamMi, apa kami lolang tang mekaalukkanni.

PA’PUDIAN 116:5

Iatu Puang maturu-turu sia malambu’, sia iatu Kapenombanta sa’pala buda.

KATASSURAN 3:17

Iamoto Kuma’kada Kukua: La Kusolangkomi lan mai kamaparrisan lan Mesir lako tondok to Kanaan sia to Het sia to Amori sia to Feris sia to Hewi na to Yebus, iamotu lako tondok sebo pangandu’na sia tani’ enoan.

KATASSURAN 3:8

Iamoto Kusonglo’ la urrampananni lan mai kuasanna to Mesir sia ussolanni tassu’ lan mai tondok iate lako misa’ tondok melo sia kalua’, iamotu misa’ tondok sebo pangandu’na sia tani’ enoan, tu napa’tondokki to Kanaan sia to Het sia to Amori sia to Feris sia to Hewi na to Yebus.

YEHEZKIEL 33:24

E ma’rupa tau iatu tau torro dio inan daun-lauan lan tondok Israel ma’kada nakua: Iatu Abraham ia manna misa-misai, anna pomana’i tu tondok iato; kami budakan diben dukakan tu tondok iato la kipomana’.

KADIBILANGAN 13:29

Iatu Padang lo’na lu nanii ma’tondok to Amalek, iatu padang ma’buntunna nanii ma’tondok to Het, to Yebus sia to Amori, nadio ma’biring tasikna sia dio randan salu Yordan nanii to Kanaan.

KADIBILANGAN 23:19

Iatu Puang Matua tangia tolino, anNa ma’kada tang tongan; ba’tu misa’ ma’rupa tau, anNa menassan. Ma’kadaraka anna tang umpogau’i, ba’tu mangallu’, anNa tang umpadadii?

PENGGAURANNA RASULU’ 13:22

Iatonna sayumi Puang Matua, Napabendanan pole’mi tu Daud la napodatu; Napamanassami diona Daud, sia Nakua: Kukabu’tuimo tu Daud, anakna Isai, iamoto naala penaangKu, iamo la umpogau’ mintu’ pa’poraiangKu.

PA’TOLE 26:3

Iake rampomoko lako to minaa tu den attu iato, la ma’kadako lako mukua: Umpa’peissananna’ totemo lako PUANG, Kapenombammi, kumua rampomo’ lan tondok, tu Napalaoan sumpa PUANG unnallu’i lako nene’ to dolota, kumua manassa la Nabenki’.

PA’TOLE 32:4

iamotu Buntu batu, sundun tu panggaraganNa, belanna mintu’ lalanna malolo; misa’ Kapenomban narondong kamarurusan, tang unnampui kakelokan, malambu’ sia tongan Ia.

PA’TOLE 7:1

Iake mangkamoko Nasolan PUANG, Kapenombammu, tama tu tondok, tu la munii rampo la muala, mupoapai, sia iake mangkami Naula’i tu mai bangsa buda dio mai tingayomu, iamotu to Het, to Girgasi, to Amori, to Kanaan, to Feris, to Hewi sia to Yebus, den pitu bangsa, tu marapuan sia makuasa na iko;

PA’TOLE 9:5

Tangia diona kamaloloammu sia tangia diona bulo lollongmu, ammu alai mupoapa tu tondokna, apa napobua’ katangmekaalukanna Naula’i PUANG, Kapenombammu te bangsa iate dio mai tingayomu sia la umpalanda’i tu kada, Naallu’ PUANG Napalaoi sumpa lako nene’ to dolomu: Abraham, Ishak na Yakub.

TITUS 1:2

tete dio kapa’rannuanan lako katuoan sae lakona, tu mangka Naallu’ dolomo Puang Matua tang balle na iatu tipamulanna attu,

IBRANI 11:17

Bannang dio dukamora kapatonganan anna pemalaranni Abraham tu Ishak, tonna disudi, sia tae’ anna tipodo’ tinde to mangka untarima mintu’ pangallu’ umpemalaran anak tungga’na,

IBRANI 6:18

kumua anna bannang dio te da’dua passalan tang tileluk tu Nanii Puang Matua tang balle, nadipabatta’ tu penaanta te kita mallainnamo mentilindung lako Kalena la untoe kapa’rannuanan tu diomo tingayota,

YOSUA 11:23

Mintu’ tondok iato natalo nasang Yosua situru’ tu mintu’ Napokadannamo PUANG lako Musa, napa’benganni Yosua lako to Israel la napomana’ situru’ tu bilanganna tu mai sukunna. Marampa’mi tu tondok dio mai tananan ra’.

YOSUA 11:3

lako to Kanaan tu dio rampe Matallo sia rampe Matampu’, sia lako to Amori, to Het, to Feris, to Yebus tu dao lu buntu, sia to Hewi, tu diong se’pon Hermon, dio lili’na Mizpa.

YOSUA 23:14

Manassa aku te la sulena’ umpolalan lalan malute, tu naola mintu’ to lino; iamoto la kalebu penaammi sia deatammi unnakui, kumua moi sangbuku kada tae’ tang dadi tu mintu’ pangallu’ melo tu Napokadangkomi PUANG Kapenombammi. Mintu’na to dadi nasangmo lako kalemi. Iatu mintu’nato moi misa’ tae’ tang dadi.

YOSUA 9:1

Iatonna rangimi mintu’ datu, tu torro dio rampe matampu’na Yordan, la daona lu Buntu, la diongna lu Padang Merrantena sia iatu dio biring tasik Kapua sae lako tu sitingoanna Libanon, iamotu to Het, to Amori, to Kanaan, to Feris, to Hewi na to Yebus,

1 YOHANES 1:9

Apa iake taakui tu mintu’ kasalanta, maruru’ sia malambu’ Ia tu Puang Matua, la umpa’dei mintu’ kasalanta, sia usseroiki’ dio mai mintu’ kakadakeanta.