NEHEMIA 9:6 - Sura' Madatu

⁶ Kamu mannari tu PUANG, Kamumo tu mangka umpadadi langi’, ondongpi langi’ tu daona lu mintu’ langi’ sia mintu’ ma’dandan maritikna, sia lino sola mintu’ tu untongkonni sia tasik sia mintu’ tu apa lan; sia Kamu umpatuoi tu mintu’na sia mintu’ ma’dandan maritik dao langi’ tukku menomba dio oloMi.

NEHEMIA 9:6 ပူးပေါင်းရင်းမြစ်များ

KADADIAN 1:1

Iatonna tipamulanna, Napadadii Puang Matua tu langi’ sola lino.

KADADIAN 1:9

Ma’kadami tu Puang Matua: La ma’misa rokko misa’ inan tu mintu’ uai nasambo langi’, anna sombo tu karangkean. Dadimi susito.

KADADIAN 2:1

Susimoto tu langi’ sola lino sia mintu’ issinna mangka dipatepu.

KADADIAN 32:2

Iatonna tiroi Yakub, nakuami: Iamo pa’baraninNa Puang Matua te mai! Nasangaimi Mahanaim tu inan iato.

1 DATU 22:19

Nakuami Mikha: Iamoto perangii tu kadanNa PUANG: Kutiromo tu PUANG unnisung dao isungan kapayunganNa namintu’ baananna suruga bendan dio kanan kairinNa.

1 DATU 8:27

Apa tongannaraka tu Puang Matua torro dao kuli’na padang? Iatu langi’, moi na iatu langi’ ma’iringanna dao, tae’ anna kullei unnalaKomi, apa pole’pa te banua iate tu mangka kubangun.

2 DATU 19:15

Anna massambayang dio oloNa PUANG, nakua: O PUANG, Kapenombanna to Israel, tu unnisung dao karubion! Kamu, Kamu manna tu Kapenomban, pekapuanganna mintu’ kadatuan dao kuli’na padang; Kamumo tu mangka ungkombong langi’ sola lino.

2 DATU 19:19

Iamoto, o PUANG, Kapenombangki, lendokangkan dio mai kuasanna, anna issanni mintu’ kadatuan lan te lino, kumua Kamu mannari, o PUANG, tu Kapenomban.

NEHEMIA 9:5

Ma’kadami tu to Lewi Yesua, Kadmiel, Bani, Hasabneya, Serebya, Hodia, Sebanya na Petahya, nakua: Ke’de’komi, pudii tu PUANG, Kapenombammi, tempon dio mai landa’ lako attu situran; la napudi tau tu sanga mala’bi’Mi, tu ussamboi mintu’ kadipudian sia kadipangkeran.

PA’PUDIAN 102:25

Kukuami: O Kapenombangku, da Mibaana’ lako kamatangnganna sunga’ku. Iatu mintu’ taunMi sipapa’ sae lakona.

PA’PUDIAN 103:21

Pudimi tu PUANG, e mintu’ pa’baraninNa, e mintu’ lentek maringanNa tu umpogau’ pa’poraianNa!

PA’PUDIAN 115:15

Kamumo tu to Napamasakke PUANG, tu Puang mangka ungkombong langi’ na lino.

PA’PUDIAN 124:8

Iatu pa’tunduanta umpotete sanganNa PUANG, tu mangka umpadadi langi’ sola lino.

PA’PUDIAN 146:6

Tu ungkombong langi’ sola lino, sia tasik na mintu’ issinna, sia To untoe kamarurusan tontong sae lakona.

PA’PUDIAN 24:10

Mindara Ia tu Datu kabarre-alloan? Iamo PUANGna mintu’ ma’dandan maritik, Iamora to tu Datu kabarre-alloan. Sela

PA’PUDIAN 33:6

Tete dio kadanNa PUANG anna kombong tu mai langi’, susi dukato tu mintu’ mengkaponanna dao langi’ kombong tete dio angin sun dipudukNa.

PA’PUDIAN 36:6

O PUANG iatu kamasokanamMi sumpu langngan langi’, sia iatu kamarurusamMi tu’tun dao massaliu’na.

PA’PUDIAN 86:10

Belanna Kamumo tu pasareongan umpogau’ kalle-kallean, Kamu manna tu Puang Matua.

YESAYA 37:16

O PUANGna mintu’ ma’dandan maritik, o Kapenombanna to Israel, tu unnisung dao karubion! Kamu, Kamu mannari Puang Matua, pekapuanganna mintu’ kadatuan lan lino; Kamu duka tu mangka ungkombong langi’ sola lino.

YESAYA 37:20

Iamoto, o PUANG, Kapenombangki, lendokangkan dio mai limanna, anna issanni mintu’ kadatuan lan te lino, kumua Kamu mannari, o PUANG, misa-misa tu Puang Matua.

YESAYA 43:10

Kamumo, tu sa’bingKu sia taungKu, tu Kutonno’, kadanNa Puang, ammi issanni sia mipatonganNa’ sia mitandai, kumua Aku bangsiamote! Tae’ tu Kapenomban dipaden dolo na Aku, sia undinna na Aku, tae’ tu senga’na.

YESAYA 44:6

Nakua kadanNa PUANG, Datunna sia Pela’bakna Israel, PUANGna mintu’ ma’dandan maritik: Akumo pamulanna sia ma’katampakanna, nasaliananna Aku, tae’ tu Kapenomban senga’.

YESAYA 44:8

Da mitiramban sia mataku’. Tang tempon dioraka mai Kunii umpokadangkomi sia umpaissannikomi? Kamumo tu sa’bingKu: denraka tu Kapenomban senga’ saliananna Aku? Tae’ senga’na tu Buntu batu, tae’ Kutandai tu senga’na.

YESAYA 45:12

Akumo tu umpadadi lino sia ungkombong tolino tu untongkonni dao; limangKumo umpalumbang mintu’ langi’ sia Aku dukamo umparentai tu mintu’ ma’dandan maritik dao.

YEREMIA 32:17

O Puangta PUANG, tonganna Kamumo umpadii tu langi’ sola lino tete dio kamatotoran kalle-kalleamMi sia tete dio takia’ tie’te’Mi; moi misa’ tae’ tu tang dadi dio Kalemi.

YEHEZKIEL 20:11

Kubenni tu apa Kupondok sia Kupa’peissanan lako tau iato mai tu atorangKu, tu napotuo tau, ke naturu’i.

YUNUS 1:9

Ma’kadami lako tau iato mai nakua: Iate aku te to Ibrani sia umpenombaina’ PUANG, Kapenomban dao suruga, tu mangka ungkombong tasik sia karangkean.

YOHANES 10:30

Iatu Aku na Ambe’ misa’ bangsiari.

PENGGAURANNA RASULU’ 4:24

Iatonna rangi tinde tau tu iannato, metambami langngan Puang Matua umpamisa penaa nakua: O Puang, Kamumo tu umpadadi langi’ sia lino sia tasik na mintu’ issinna;

PA’TOLE 10:14

Manassa iatu PUANG Kapenombammu, Iamo Puangna langi’, ondongpi ma’iringanna langi’ dao, sia lino sia mintu’ apa lan.

PA’TOLE 32:39

Totemo tiromi, kumua iatu Aku, Akumote, tae’ tu Kapenomban, sangadinna Aku. Aku tu ma’pamate sia ma’patuo, ke mangkaMo’ ma’kasanggang ma’pamondoNa’, sia moi misa’ tau tae’ ma’rampanan lan mai kuasangKu.

PA’TOLE 6:4

Perangiimi, e to Israel: Iatu PUANG Iamo Kapenombanta; iatu PUANG misari!

IBRANI 1:3

Iamo arrang kamala’biranNa Puang Matua sia bate rupanna A’ganNa sia Naria tu mintu’na tete dio kada kuasanNa; iatonna mangkamo umpogau’ kadiseroianna mintu’ kasalan, unno’ko’mi dio kananNa To patodoranna dao masuanggana.

IBRANI 1:6

Tu diona attu, ke la Napatama polei lino tu Anak pa’bunga’ iato, nakua kadanNa: Mintu’ malaeka’Na Puang Matua la umpenombai

KADA OMBO’ LAKO RASULU’ YOHANES 14:7

anna metamba nakua: Kataku’i tu Puang Matua sia pangke’I, belanna rampomo tu attu kapa’paolaianNa salu, sia penombai tu Puang umpadadi langi’ sola lino sia tasik na mintu’ kalimbuang.

KADA OMBO’ LAKO RASULU’ YOHANES 4:11

O Puang, Kapenombangki, sipatuKomi untoe kadipakala’biran sia kadipangkeran sia kapaan, belanna Kamumo umpadadii tu mintu’ apa sia pa’poraiamMi duka anna den tu mintu’na sia anna dipadadimo.