NEHEMIA 9:5 - Sura' Madatu

⁵ Ma’kadami tu to Lewi Yesua, Kadmiel, Bani, Hasabneya, Serebya, Hodia, Sebanya na Petahya, nakua: Ke’de’komi, pudii tu PUANG, Kapenombammi, tempon dio mai landa’ lako attu situran; la napudi tau tu sanga mala’bi’Mi, tu ussamboi mintu’ kadipudian sia kadipangkeran.

NEHEMIA 9:5 ပူးပေါင်းရင်းမြစ်များ

1 DATU 8:14

Mangkato menggirikmi tu datu, anna passakkei tu mintu’ kombongan to Israel, tonna bendan tu mintu’ kombongan to Israel.

1 DATU 8:15

Sia ma’kada nakua: Mintu’ kadipudian lu langngan PUANG, Kapenombanna to Israel, tu mangka umpasundunni tu apa mangka Nasa’bu’ randan dipudukNa lako Daud, ambe’ku, Nakua:

1 DATU 8:22

Bendanmi tu Salomo dio tingayo inan pemalaranNa PUANG sitingoan mintu’ kombongan to Israel, anna mempala’ langngan langi’.

1 DATU 8:27

Apa tongannaraka tu Puang Matua torro dao kuli’na padang? Iatu langi’, moi na iatu langi’ ma’iringanna dao, tae’ anna kullei unnalaKomi, apa pole’pa te banua iate tu mangka kubangun.

1 OSSORANNA DATU 16:36

Mintu’na kadipangkeran lu langngan nasang PUANG, Kapenombanna to Israel, tempon dio mai tontong landa’ lako attu situran. Namintu’ to buda ma’kada nakua: Amin, sia: Pudimi tu PUANG.

1 OSSORANNA DATU 29:11

Kamumo, o PUANG, unnampui kapasareonganan sia kamatotoran, kamala’biran, kadipangkeran sia kabarre-alloan. Kamuri tu unnampui tu mintu’na apa dao langi’ sia lan lino; Kamuri tu unnampui kadatuan, o PUANG, sia Kamu unnampui kapaan undaoanni mintu’ apa.

1 OSSORANNA DATU 29:13

Totemo, o Kapenombangki, kipudi-pudiKomi, sia kipakala’bi’ tu sanga madatumMi.

1 OSSORANNA DATU 29:20

Mangkato nakuami Daud lako mintu’ kombongan: Pudimi tu PUANG, Kapenombammi. Napudimi mintu’ kombongan tu PUANG, Kapenombanna nene’ to dolona, anna malinguntu’ sia tukku menomba dio oloNa PUANG sia dio olona datu.

2 OSSORANNA DATU 20:13

Mintu’ to Yehuda bendan dio oloNa PUANG sae lako mintu’ pia’-pia’na sia bainena sia anakna muane.

2 OSSORANNA DATU 20:19

Iatu mintu’ to Lewi dio mai to Kehat sia to Korah bendan umpudi-pudi PUANG, Kapenombanna Israel, mandu umpekapuai gamaranna.

EZRA 3:11

Sibali-balimi tu tau iato mai menani umpudi sia umpakaraya PUANG nakua: belanna masokan, sia belanna iatu kamasokananNa tang tileluk sae lakona lako to Israel. Mandumi siarrakan tu mintu’ to buda sia umpudi PUANG, belanna tiotonmo tu parandangan banuanNa PUANG.

NEHEMIA 9:4

Dao lempo to Lewi bendammi tu Yesua, Bani, Kadmiel, Sebanya, Buni, Serebya, Bani na Kenani; anna metamba umpekapuai gamaranna lako PUANG, Kapenombanna.

NEHEMIA 9:6

Kamu mannari tu PUANG, Kamumo tu mangka umpadadi langi’, ondongpi langi’ tu daona lu mintu’ langi’ sia mintu’ ma’dandan maritikna, sia lino sola mintu’ tu untongkonni sia tasik sia mintu’ tu apa lan; sia Kamu umpatuoi tu mintu’na sia mintu’ ma’dandan maritik dao langi’ tukku menomba dio oloMi.

AYUB 1:21

Ma’kale-kalena’ tassu’ lan mai pa’tambukanna indo’ku, la ma’kale-kale dukana’ sule lako. PUANG mangka umpa’benganni, PUANG mangka unnalai sule sanganNa PUANG la dipudi.

PA’PUDIAN 106:2

Mindara tu ma’din umpokada nasangi tu penggauran kalle-kalleanNa PUANG. Ba’tu ma’din unggente’-genteranni mintu’ kadipangkeranNa?

PA’PUDIAN 134:1

Nanian Hamaa’lot. Pudimi tu PUANG, e kamu, mintu’ taunNa Puang, tu bendan kebongi lan banuanNa PUANG.

PA’PUDIAN 145:2

La kupakarayaKomi kiallo-kiallo; sia la kupudi tu sangamMi tontong sae lakona.

PA’PUDIAN 145:5

La kusa’bu’ tu kakapuanna kamala’biran madatumMi sia mintu’ penggauran memangngamMi.

PA’PUDIAN 146:2

La kupudi tu PUANG, angge tuoku, sia la kupakendekan pa’pudian tu Kapenombangku, ke ten siapa’ to.

PA’PUDIAN 16:2

Kukua lako Puang: Kamumo tu Puangku, Kamu manna tu nanii kameloangku!

PA’PUDIAN 66:2

Pakendekanni pa’pudian tu kamala’biranna sanganNa, pakala’bi’ tu kadipudianNa.

PA’PUDIAN 99:3

Sipatu mintu’ la umpudi tu kakapuanna sangamMi sia kametakuranna; Masero Ia.

KATASSURAN 15:11

O, PUANG, iatu mintu’ deata mindara tu la ussitinti-batuangKomi, mindara tu susimMi, dipatarompo’ tete dio kamaindanan, metakuran tete dio penggauran kapudian, tu umpogau’ tanda kalle-kallean.

KATASSURAN 15:6

O PUANG, mala’bi’ tu lima kananMi diona kamatotoran, O PUANG, lima kananMi unnisak-nisakki tu uali iato.

DANIEL 2:20

Umpakendekmi pa’pudi-pudian tu Daniel, nama’kada nakua: Mintu’ kadipudian lu lako sanganNa Puang Matua tempon dio mai landa’ lako attu situran, belanna Ia unnampui kakinaan sia kamatotoran.

MATIUS 11:25

Iatonna iato umpakendekmi pa’pudian tu Yesu, Nakua: O Ambe’, Puangna langi’ na lino, KupudiKomi, belanna Misamboan to paissan sia to manarang te ianna te, anna lako pia Minii umpasomboi.

2 KORINTUS 4:6

Belanna Puang Matua mangka ma’kada kumua: La parrang, tu arrang lan mai malillinna, Ia dukamo parrang lan penaangki umpaarrangikan kapaissanan kamala’biranNa Puang Matua lan rupanNa Kristus.

PA’TOLE 28:58

Iake tae’i mukaritutui tonganni tu mintu’ kada Sukaran aluk, tu disura’ lan te sura’, sia iake tae’i mukataku’i te Sanga mala’bi’ sia metakuran, iamotu PUANG, Kapenombammu,

1 PETRUS 1:3

Mintu’na kadipudian lu langngan nasang Puang Matua Ambe’Na Puangta Yesu Kristus, tu tete dio kakapuanna mamaseNa anna dadian poleki’, taurunganni unnappa’ kapa’rannuanan tuo belanna kamalimbangunanNa Yesu Kristus dio mai to’ to mate,

TO PARENGNGE’ 13:18

Apa mebali tu Malaeka’Na PUANG lako Nakua: Ma’apai ammu pekutananni tu sangangKu? Iatu iannato memangngan.