NEHEMIA 9:36 - Sura' Madatu

³⁶ Manassa allo iate kaunanmokan, sia iatu padang mangka Mikamasean nene’ todoloki, kumua nakandei tu alanna sia burana – tonganna lanmo kinii dadi kaunan.

NEHEMIA 9:36 ပူးပေါင်းရင်းမြစ်များ

2 OSSORANNA DATU 12:8

Apa iatu tau iato mai la napotau Sisak, naurunganni untandai tu kasisengaranna kamengkaolan lako Kaleku na kamengkaolan lako mintu’ kadatuan iato.

EZRA 9:9

Belanna kami te kaunanpakanni, apa lan kakaunanangki tae’ Napopa’elo’nakan Kapenombangki: Napalulako kaleki tu kamaturu-turuanna mintu’ datu Persia, naurunganni tu tau iato mai umbenkanni penggirikan la umpabendanni sule tu banuanNa Kapenombangki sia umpemeloi tu daun lauanna, sia umbenkanni misa’ perompo lan Yehuda sia lan Yerusalem.

BATING 5:4

Iatu uai kiiru’ kialli doi’, iatu kayu tutungan kiappa’ kibaya’mo.

BATING 5:5

Nati’tin to unnula’kan tu sokkongki, bo’yo’mokan ma’diama, natae’ napopelayokan.

PA’TOLE 28:48

iamoto la napotauko mintu’ ualimmu, tu Napake’de’ PUANG ullaoiko, ammu tangdia’ sia ma’rang sia ma’kambelang sia kapu’duran mintu’ apa; Puang la umpapassanni ayoka bassi dao sokkongmu, anNa pisanniko.