NEHEMIA 9:30 - Sura' Madatu

³⁰ Masai allomoKomi kalando pesuka’ lako tau iato mai sia Miada’i tete dio PenaamMi nalopian nabimMi, apa tae’ natananni talinga tu dionato. Attu iato Misorongmi tu tau iato mai tama limanna ba’tu pira-pira bangsa dio lu tondok iato.

NEHEMIA 9:30 ပူးပေါင်းရင်းမြစ်များ

2 DATU 18:11

Napali’mi datu Asyur tu to Israel lako Asyur sia nabaa lako Halah, sia lako biring salu Habor, iamotu salu dio Gozan, sia lako tu mai kota to Madai.

2 DATU 21:10

Iamoto Nama’kada tu PUANG nalopian mintu’ taunNa, iamotu mai nabi, nakua:

2 OSSORANNA DATU 24:19

Nasuami tu ba’tu pira-pira nabi lako tau iato mai, kumua anna pasulei lako PUANG; moi napakilala nabi tu tau iato mai, apa tae’ naperangii.

EZRA 9:10

Apa totemo apamo la kipokada te mangkannate, o Kapenombangki? Belanna kiboko’i tu mintu’ pepasanMi,

NEHEMIA 9:20

Sia Miben Penaa meloMi la umpakinaai tu tau iato mai sia tae’ Mipaka’tui tu mannaMi dio mai pudukna sia Miben uai ussa’poi ma’rangna.

NEHEMIA 9:26

Apa iatu tau iato mai pabali-bali sia naeaKomi sia natibe lako boko’na tu sukaran alukMi sia napatei tu mai nabimMi, tu unnada’i la umpasulei tu tau iato mai lako Kalemi, sia umpogau’ apa tarru’ megi’giran.

NEHEMIA 9:29

Miada’i tu tau iato mai la umpasulei lako sukaran alukMi, apa matampo, manoka umperangii tu pepasanMi sia untengkai atoramMi. Iake naturu’i tau la napotuo. Apa napopenggega’ tu palempengna tau iato mai sia napabattuk tu penaanna sia manoka ma’perangi.

PA’PUDIAN 86:15

Apa kamu, o Puang, tu Kapenomban sumpu mamase sia sa’pala buda, sia kalando pesuka’ sia kapua tu kamasokanamMi sia kamarurusamMi.

PA’PUDIAN 95:10

Patangpulo taunna nanii umpa’di’i penaangKu tu to tama bilangan iato. Kukuami: Tau iato mai misa’ bangsa pusa tu penaanna, tu tang untandai lalanKu.

YESAYA 28:10

Belanna iatu atoran sukaran aluk sanatompo-tompoinna sukaran aluk, atoran sukaran aluk natompoi atoran sukaran aluk, iatu parenta sanatompo-tompoinna parenta, parenta natompoi parenta; sidi’ inde te, sidi’ inde to.

YESAYA 42:24

Mindara ussorongi tu Yakub la dipangrampai sia Israel lako to manglo’do’i? Tang lakoraka PUANG tu tanii umpogau’ kasalan? Belanna tae’ namorai tu tau iato mai unnolai lalanNa sia tae’ anna perangii tu Sukaran alukNa?

YESAYA 48:9

Tete dio sangangKu angKu temme’pi tu ara’Ku sia diona kadipudiangKu angKu ta’tanpi tu Kaleku belanna mupomelona, dikua da angKu pisanniko.

YESAYA 63:10

Apa tau iato mai pabali-balimo sia umpamasussa Penaa Masallo’Na; iamoto anNa balik mendadi ualinNa sia Ia kalena sirari tu tau iato mai.

YEREMIA 25:4

Susi dukato Nasuammokomi PUANG tu mintu’ taunNa, iamotu mai nabi, ke makale’ sia ke karoen, apa inang tae’ duka miperangii, ba’tu untananni talinga.

YEREMIA 44:22

Naurungan tang Naattamo PUANG untiroi tu iannato belanna kakadakeanna mintu’ penggaurammi sia belanna mintu’ penggauran megalliammi; iamoto na iatu tondokmi daun laurammo sia metakuran sia tampakan ropu, naurungan moi misa’ tau tae’mo umpa’tondokki, susite allo iate.

YEREMIA 44:4

Moi Kusuamo lako tau iato mai tu mintu’ taungKu, iamotu mai nabi, ke makale’ sia ke karoen umpokadanni kumua: Da mipogau’i te apa megallian iate, tu Kukagi’gi’!

YEREMIA 44:5

Apa tang naperangii tu tau iato mai sia tae’ natananni talinga, kumua anna mengkatoba’ dio mai kakadakeanna sia da namemala’ lako Kapenomban senga’.

YEREMIA 7:25

randuk tonna tassu’ tu nene’ to dolomi dio mai tondok Mesir sae lako allo iate. Sia kusua lako kalemi tu mai taungKu, iamotu mintu’ nabi, ke makale’ sia ke karoen.

BATING 2:17

Napogau’mo PUANG tu apa mangka Natangnga’, Napalanda’mo tu apa mangka Napokada, tu apa mangka Napa’parentan tempon dio mai; Mangrabunnimo, tang Nakatirinnai len. Napasende tu ualimmu diona iko, Napalayangmo tu tandukna mintu’ to umbali-baliko.

DANIEL 9:6

Sia tae’ kiperangii tu mai taumMi, iamotu mai nabi, tu ma’kada tete dio sangamMi lako mintu’ datungki, mintu’ arungki, mintu’ nene’ to doloki sia lako mintu’ tau lan tondok.

ZAKHARIA 7:12

Sia napamakarra’ tu penaanna susi intan, kumua da naperangii tu pangadaran sia kada, tu Naparampo PUANGna mintu’ ma’dandan maritik lako kalena tete dio PenaanNa, tu nalopian mintu’ nabi dolo. Iamoto napodenni kasengkean kapuaNa PUANGna mintu’ ma’dandan maritik.

ZAKHARIA 7:13

Susitu katangma’perangianna tau iato mai, tonna tambai Puang, la susi dukato tu tau iato mai metamba, apa tae’ Kutananni talinga, kadanNa PUANGna mintu’ ma’dandan maritik.

KADIBILANGAN 11:26

Apa da’dua tau torro dio to’ tenda, misa’ disanga Eldad na misa’ disanga Medad. IatonNa ta’paimi Penaa – belanna naala bilangan dio mai to disura’ sanganna, apa tae’ namale lako Tenda Kasitammuan – ma’nubua’mi dio to’ tenda.

PENGGAURANNA RASULU’ 13:18

Agi-agi patangpulo taunna Nanii umpama’tananni penaa tu pasiruanna tu tau dio padang pangallaran.

PENGGAURANNA RASULU’ 28:25

Apa ia kalena tinde tau tae’ kasiturusanna, sisarak-sarakmi, tonna mangka umpokadai Paulus te kada sangbuku kumua: Tonganna bang tu Napokada Penaa Masallo’ lako nene’ to dolota tu sun dio pudukna nabi Yesaya, nakua:

PENGGAURANNA RASULU’ 7:51

E kamu to battuk sia tang sopati sia tang to’tok, nenne’ bangkomi unnempai Penaa Masallo’. Tumba tu nene’ to dolomi, ten dukamoto tu kamu.

ROMA 2:4

Ba’tu tae’raka muangga’i tu kamasokanan tang dilambi’Na sia kama’tananNa sia pesuka’ kalandoNa sia tae’ muissanni, kumua iatu kamasokananNa Puang Matua urrendenko lako katobaran?

1 PETRUS 1:11

sia napelalan attu umbara nakua a’ganna tu attu Napa’patuduan PenaanNa Kristus lan kalena tau iato mai, tonna pamanassa dolomi Penaa tu mintu’ kamaparrisanNa Kristus sia iatu mai kamala’biran sidanu’-danu’ undinna.

2 PETRUS 1:21

belanna tae’ bangpa pa’nubua’ napabu’tu pa’poraian tolino, sangadinna Natamaipi Penaa Masallo’ tu tau, anna sa’bu’i tu kada lu dio mai Puang Matua.

2 PETRUS 3:9

Tae’ Namarempa tu Puang umpalanda’ pangallu’Na, susitu nasanga tau pira kumua marempa tu iannato, sangadinna Nasuka’ kalandokomi, tae’ Naporai, ke denni misa’ tau sanggang, sangadinna kumua anna mengkatoba’ nasang.