NEHEMIA 9:29 - Sura' Madatu

²⁹ Miada’i tu tau iato mai la umpasulei lako sukaran alukMi, apa matampo, manoka umperangii tu pepasanMi sia untengkai atoramMi. Iake naturu’i tau la napotuo. Apa napopenggega’ tu palempengna tau iato mai sia napabattuk tu penaanna sia manoka ma’perangi.

NEHEMIA 9:29 ပူးပေါင်းရင်းမြစ်များ

2 DATU 17:13

Napakilalamo PUANG tu to Israel sia to Yehuda nalopian mintu’ nabi sia mintu’ to patanda-tandan, nakua: Mengkatoba’komi dio mai mintu’ penggauran kadakemi sia karitutui tu mintu’ pepasanKu sia iatu apa Kupondok susitu mintu’ sukaran aluk tu mangka Kupepasanan lako nene’ to dolomi, tu Kuparampo lako kalemi nalopian mintu’ taungKu, iamotu mintu’ nabi.

2 DATU 17:14

Apa tae’ naperangii tau iato mai, sangadinna umpamakarra’ penaanna susi nene’ to dolona, tu tae’ nasande’ lako PUANG, Kapenombanna.

2 OSSORANNA DATU 24:19

Nasuami tu ba’tu pira-pira nabi lako tau iato mai, kumua anna pasulei lako PUANG; moi napakilala nabi tu tau iato mai, apa tae’ naperangii.

2 OSSORANNA DATU 33:10

Ma’kadamo tu PUANG lako Manasye sia lako taunna, apa tae’ naperangii.

2 OSSORANNA DATU 36:15

Iatu PUANG, Kapenombanna nene’ to dolona, ussuamo pesuanNa lako tau iato mai, ke melambi’ sia ke mabongioi, belanna Nakamasei tu taunNa sia inan katorroanNa.

NEHEMIA 13:15

Attu iato kutiromi tu ba’tu pira-pira tau lan Yehuda tu umparra bua anggoro’ tonna allo katorroan, sia umbaai tu ba’tu pirang-pirang uyun gandung, nateke’ dao keledai, sia ia duka tu uai anggoro’, bua anggoro’, bua ara sia mintu’ apa diteke’, tu nabaa lako Yerusalem tonna allo katorroan. Kuta’tan tu tau iato, tonna umbalukan kande.

NEHEMIA 9:10

Sia miparampomo tu ba’tu pira-pira tanda kalle-kallean sia tanda mangnga lako Firaun, sia mintu’ taunna sia mintu’ tau lan tondokna, belanna Miissan tu kedona tau iato mai matampo lako taumMi, sia Mipadenammo Kalemi tu misa’ sanga susitu den allo iate.

NEHEMIA 9:16

Apa iatu kedona tau iato mai, iamotu nene’ to doloki matampo sia umpabattuk penaanna sia manoka umperangii tu pepasanMi.

NEHEMIA 9:26

Apa iatu tau iato mai pabali-bali sia naeaKomi sia natibe lako boko’na tu sukaran alukMi sia napatei tu mai nabimMi, tu unnada’i la umpasulei tu tau iato mai lako Kalemi, sia umpogau’ apa tarru’ megi’giran.

NEHEMIA 9:30

Masai allomoKomi kalando pesuka’ lako tau iato mai sia Miada’i tete dio PenaamMi nalopian nabimMi, apa tae’ natananni talinga tu dionato. Attu iato Misorongmi tu tau iato mai tama limanna ba’tu pira-pira bangsa dio lu tondok iato.

KATASSURAN 10:3

Malemi tu Musa sola Harun umpennoloi Firaun, anna kuai lako: Nakua kadanNa PUANG, tu Kapenombanna to Ibrani: Sangapapoko manoka la tunduk dio oloKu? Eloranni tu taungKu male anna menomba lako Kaleku!

YEREMIA 17:23

Apa manoka tu tau iato mai umperangii sia tae’ natananni talinga, sangadinna umpabattuk penaanna sia ungkanoka pangadaran.

YEREMIA 19:15

Inde sia tu kadanNa PUANGna mintu’ ma’dandan maritik, Kapenombanna to Israel, Nakua: La Kupasae tu mintu’ kasanggangan, tu Kupokadamo la urrampoi te kota iate sia mintu’ kotana, belanna umpabattukmo penaanna tu tau iato mai sia manoka umperangii kadangKu.

YEREMIA 42:19

Ma’kadamo tu PUANG lako kalemi, e kamu mintu’ to Yehuda tu torronapa: Da mimale lako Mesir! La miissan melo kumua kupakilala tongankomi.

YEREMIA 43:2

nakuami tu Azarya, anakna Hosaya sia Yohanan, anakna Kareah sia mintu’ to matampo lako Yeremia: Tae’ natongan te kadammi; tae’ Nasuakomi PUANG, Kapenombanta, umpepasananni kumua: Da mimale lako Mesir la mentiruran dio.

YEREMIA 44:10

Sae lako allo ia duka te tae’ namagiang tu penaanna tau iato mai sia tae’ namataku’ sia tae’ naturu’ Sukaran alukKu sia apa Kupondok, tu mangka Kupa’kamasean dio tingayomi sia dio tingayona nene’ to dolomi.

YEREMIA 7:26

Apa tang naperangiiNa’ tu tau iato mai sia tae’ napalidanni talinga, sangadinna umpamakarra’ bang penaanna losong pole’ na iatu nene’ to dolona.

YEHEZKIEL 20:11

Kubenni tu apa Kupondok sia Kupa’peissanan lako tau iato mai tu atorangKu, tu napotuo tau, ke naturu’i.

DANIEL 5:20

Apa iatonna pamadaomo penaanna sia umpamakarra’ pa’inaanna, naurunganni matampo, iamoto nadisuale dio mai isungan kapayunganna, sia sisayurammo kamala’biranna.

HOSEA 6:5

Iamoto Kupasisikki kada tu tau iato mai nalopian mintu’ nabi, sia Kupongko kada sun dio pudukKu. Iatu ukungan urrampoikomi susi arrang melambi’.

SURA’ KATOMINAAN 18:5

Manassa la mikaritutui tu aluk Kupondok sia mintu’ atorangKu; minda-minda umpogau’i la napotuo: Akumo tu PUANG.

MATIUS 19:17

Nakuami Yesu lako: Ma’apari na iara tu kameloan mupekutanan lako Kaleku? Misa’ri Ia tu melo. Apa iake la moraiko tama katuoan, turu’i tu Sukaran alukNa Puang Matua.

LUKAS 10:28

Nakuami Yesu lako: Tonganna tu pebalimmi. Pogau’mi susito ammi tuo.

ROMA 10:5

Belanna mangkamo nasura’ Musa kumua iatu to umpogau’ kamaloloan tete dio Sukaran aluk la napotuo.

GALATIA 3:12

Apa iatu tuntunan Sukaran aluk tangia lu dio mai kapatonganan, sangadinna minda-minda umpogau’i la napotuo.

PA’TOLE 31:21

Iake narampoi buda kamandasan sia kapussakan tu tau iato, manassa iate sengo la sa’bi umpasalai tu tau iato, belanna tae’ nala tore len nasa’bu’ bati’na. Belanna Kutandai tu pa’inaanna tu lan penaanna allo iate, tongKu tang ussolampi lako tondok, tu mangka Kuallu’ lako tau iato mai Kupalaoi sumpa.

PA’TOLE 31:27

Belanna kutandai tu kapabali-baliammu sia kamatoroammu. Inde tuo siapa’ ussisolangkomi, mibali-balimo tu PUANG, ondong pole’pi, ke matemo’!

PA’TOLE 4:26

allo iate kualamo tu langi’ sia padang la ussa’biikomi diona kasalammi, kumua manassa la madomi’komi tallan lan tondok, tu la miala mipoapa, ke mangkamokomi ullamban Yordan; tae’ mimasai tuo lan tondok iato, sangadinna manassa la disanggangikomi.

TO PARENGNGE’ 6:10

Sia ma’kadaMo’ lako kalemi, Kukua: Akumo tu PUANG, Kapenombammi; da mipenombai deatanna to Amori, tu minii ma’tondok. Apa tang miperangii tu kadangKu.