NEHEMIA 9:23 - Sura' Madatu

²³ Sia Mipopemba’ka’ kalle-kalleammo tu bati’na tau iato mai susi bintoen dao langi’ sia Misolammo tama tondok tu mangka Mipa’parentan lako nene’ to dolona la unnalai napomana’.

NEHEMIA 9:23 ပူးပေါင်းရင်းမြစ်များ

KADADIAN 12:7

Ta’kala anNa payanmo tu PUANG lako Abram, Nama’kada Nakua: Iate tana la Kuba’giammo lanto mimi’mu. Nagaragami Abram inde to dio tu misa’ inan pemalaran lako PUANG mangka payan lako kalena.

KADADIAN 15:18

Allo ia dukamoto anNa basse kada tu PUANG sola Abram, Nakua: Kubenmo bati’mu tu padang iate, angge dio mai salu Mesir landa’ lako salu kapua iamotu salu Efrat:

KADADIAN 15:5

Nasolammi Puang sun lako salian, Nama’kada Nakua: Mentingarako langngan langi’, bilangi tu mintu’ bintoen, ke mubelai umbilangi. Nakuami ungkuanni: Susi dukamoto tu bati’mu.

KADADIAN 17:8

La kukamaseangko sia la Kukamasean bati’mu te padang munii mempue totemo, te mintu’ lili’na padang Kanaan la napopadang tontong sae lakona; na Aku la napoKapenomban.

KADADIAN 22:17

manassa la Kubenko karongkosan kapua sia la Kupopemba’ka’ kalle-kallean tu bati’mu pada bintoen dao langi’ sia pada karangan dio biring tasik, sia la nalapa’ nasang bati’mu tu babanganna ualinna.

KADADIAN 26:3

Torromoko butung to sae lan tondok iate, Aku la urrondongko sia umparongko’ko, belanna mintu’ te tana iate la Kuba’giangko sia lako bati’mu, sia la Kupalanda’ tu sumpa mangka Kuposumpa lako Abraham, ambe’mu.

1 OSSORANNA DATU 27:23

Tae’ napaalai bilangan Daud tu mai to duangpulo taunna sia to tang ganna’ duangpulo taunna, belanna mangkamo Napokada PUANG, kumua Ia la umpopemba’ka’ kalle-kalleanmi tu to Israel susi bintoen dao langi’.

KATASSURAN 1:12

Apa sanapakario-riona to Mesir tu tau iato mai, sakerangngan-rangnganna sia samemba’ka’-ba’ka’na, naurunganni nakagiang to Mesir tu to Israel.

KATASSURAN 1:7

marapuammi tu to Israel sia satumale’-male’na sia memba’ka’ kalle-kallean sia sakerangngan-rangnganna, naurunganni nasitutu’imo tu tondok.

PA’TOLE 28:62

La sidi’morokomi torro, moi ammi mangkamo buda susi bintoen dao langi’ – belanna tae’mo muperangii tu gamaranNa PUANG, Kapenombammu.