NEHEMIA 9:21 - Sura' Madatu

²¹ Ondongpi, patangpulo taunna Minii ungkaduttu’i lan padang pangallaran, naurunganni tang kapu’duran sia tang buruk pakeanna sia tang kambang lette’na.

NEHEMIA 9:21 ပူးပေါင်းရင်းမြစ်များ

PA’PUDIAN 34:10

Kasiri’I, tu PUANG, e mintu’ to masallo’Na, belanna tae’ misa’ kapu’duranna tu to ungkasiri’I.

KATASSURAN 16:35

Iatu to Israel ungkande manna patangpulo taunna sae lako tamanna tondokna tau, manna bang nakande tu tau iato mai sae lako rampona dio angge lili’na tondok Kanaan.

AMOS 5:25

Mipennoloammoraka tu pemala’ pangrere’ sia kande dipemalaran lako Kaleku lan padang pangallaran patangpulo taunna, e bati’ Israel,

PENGGAURANNA RASULU’ 13:18

Agi-agi patangpulo taunna Nanii umpama’tananni penaa tu pasiruanna tu tau dio padang pangallaran.

PA’TOLE 2:7

Belanna iatu PUANG, Kapenombammi, umpamasakkemoko lan mintu’ pengkarangammu. Natandaimo tu kalingkammu ullendu’i padang pangallaran kapua iate; lan te patangpulomo taunna Nanii PUANG, Kapenombammu urrondongki, moi misa’ apa tae’ mukakurangan.

PA’TOLE 29:5

Patangpulo taunna Kunii ussolangkomi lan lu padang pangallaran; iatu tamangkalemi tae’ namalusa sia iatu sepatummu tae’ nakake.

PA’TOLE 8:2

Pengkilalai tu mintu’ lalan, tu Nanii PUANG, Kapenombammu, ussolangko lan te patangpulo taunna lan padang pangallaran, kumua anNa pamadiongangko sia Nasandakko, anNa tandai tu apa lan penaammu, ba’tu la mukaritutui tu pepasanNa, ba’tu tae’i.

PA’TOLE 8:4

Iatu tamangkale mupake tae’ naburuk sia iatu lette’mu tae’ nakambang lan te patangpulo taunna.