NEHEMIA 9:19 - Sura' Madatu

¹⁹ tae’ duka Mitampei tu tau iato mai lan lu padang pangallaran, belanna kakapuanna kamamaseamMi. Iatu lentong gaun tae’ natoyang dio mai tau iato mai, ke allona la umpadulluanni lalan, sia iatu lentong api, ke bonginna la unnarrangi tau iato mai dio lu lalan tu la naolai.

NEHEMIA 9:19 ပူးပေါင်းရင်းမြစ်များ

NEHEMIA 9:12

Iake allona Mianta’ lentong gaun na iake bonginna Mianta’ lentong api la unnarrangi tu tau iato mai dio lu lalan naolai.

NEHEMIA 9:27

Iamoto Misorongi tu tau iato mai tama limanna ualinna tu umpapussakki. Apa iatonna lan attu kapussakanna meongli’mi lako Kalemi, amMi perangii dao mai suruga, amMi kamasei to parampanan tete dio kamamasean kapuaMi, tu urrampanan tau iato mai lan mai limanna ualinna.

NEHEMIA 9:31

Apa tete dio kamamasean kapuaMi natae’ sia Misabu’i sia Miboko’i, belanna Kamumo tu Kapenomban maturu-turu sia mamase.

PA’PUDIAN 106:45

Sia belanna diona la napomelona tau iato mai, Nakilalaimi Puang tu basseNa, anNa maturu-turu sitinaya kamasokanan budanNa.

PA’PUDIAN 136:16

Tu To urrenden taunna unnola padang pangallaran, belanna iatu kamasokananNa tang tileluk sae lakona.

KATASSURAN 40:36

Iake sulemi langngan tu gaun diong mai kema iato, ke’de’omi tu to Israel dio lu kalingkanna.

KATASSURAN 40:38

Belanna iatu gaunNa PUANG ussamboi kema, ke allona, sia nanii api ke bonginna dio pentirona mintu’ to Israel lan mintu’ kalingkanna.

YESAYA 44:21

Kilalai te, e Yakub, e Israel, belanna ikomo taungKu; Akumo ungkombongko, ikomo tu taungKu, e Israel; tae’ angKu kalupai lenko.

BATING 3:22

Belanna mintu’ tanda pa’kamaseNa PUANG, anna tae’ tasanggang, belanna iatu mai kamamaseanNa tae’ upu’na.

YEHEZKIEL 20:14

Apa Kupalalomo tu penggaurangKu belanna sangangKu, kumua da nadipamatuna dio pentirona mintu’ bangsa, tu dio pentirona Kunii umpatassu’i tu tau iato mai.

YEHEZKIEL 20:17

Apa mamase siaNa’ untiroi, anna tae’ Kusabu’i sia tae’ Kumangsanni lan lu padang pangallaran.

YEHEZKIEL 20:22

Sia Kuriu’ sule tu limangKu sia Kupogau’ susito belanna sangangKu, kumua da nadipamatuna dio pentirona mintu’ bangsa, tu dio pentirona Kunii umpatassu’i tu tau iato mai.

DANIEL 9:18

Patananni tu talingamMi, o Kapenombangku, sia perangiina’: bungka’i tu matamMi, amMi tiroi tu kasanggangangki sia iatu kota, tu dinii ussa’bu’ sangamMi naposanga; belanna tae’ nabannang dio kamaloloangki angki barrakanni tu pengkamoyaki dio oloMi, sangadinna bannang diori kamamasean kapuaMi.

DANIEL 9:9

Dio ia Puang, Kapenombangki, tu kamamasean sia kama’pagarrisan, moi angki pabali-balimo lako Kalena,

MALEAKHI 3:6

Tonganna, Aku te, iamotu PUANG, tang leluk, na kamu, iamotu bati’na Yakub, tae’ midisabu’i.

KADIBILANGAN 14:14

la ma’kada lako tau lan tondok iate, tu mangka urrangii, kumua Kamu, o PUANG, urrondongi te bangsa iate sia mangkamoKomi, o PUANG sitiro lindo, anna iatu gaunMi daona lu tau iato mai sia doloKomi lan lentong gaun ke allona sia lan lentong api ke bonginna.

PA’TOLE 8:2

Pengkilalai tu mintu’ lalan, tu Nanii PUANG, Kapenombammu, ussolangko lan te patangpulo taunna lan padang pangallaran, kumua anNa pamadiongangko sia Nasandakko, anNa tandai tu apa lan penaammu, ba’tu la mukaritutui tu pepasanNa, ba’tu tae’i.

1 SAMUEL 12:22

Apa tae’ Natibei PUANG tu taunNa, belanna sanga kapuaNa. Inang Nakaelo’i PUANG umpadadikomi taunNa.