NEHEMIA 9:16 - Sura' Madatu

¹⁶ Apa iatu kedona tau iato mai, iamotu nene’ to doloki matampo sia umpabattuk penaanna sia manoka umperangii tu pepasanMi.

NEHEMIA 9:16 ပူးပေါင်းရင်းမြစ်များ

2 DATU 17:14

Apa tae’ naperangii tau iato mai, sangadinna umpamakarra’ penaanna susi nene’ to dolona, tu tae’ nasande’ lako PUANG, Kapenombanna.

2 OSSORANNA DATU 29:6

Belanna iatu mai ambe’ta tang maruru’ tonnanu’, umpogau’mo apa kadake dio pentiroNa PUANG, Kapenombanta, sia natampemo sia tae’mo nasailei tu inanNa PUANG sia naboko’imo.

2 OSSORANNA DATU 30:8

Damo mipamakarra’ penaammi, susi nene’ to dolomi, dondonganni tu limammi lako PUANG, ammi male lako inan maindanNa, tu Napamarimbangan sae lakona, sia mengkaolakomi lako PUANG, Kapenombammi, kumua anna soro’ dio mai kalemi tu kare’dekanna ara’Na.

2 OSSORANNA DATU 36:13

Ondongpi pabali-bali lako datu Nebukadnezar, tu mangka ussuai umpalao sumpa tete dio sanganNa Puang Matua. Battuk sia umpamakarra’ penaanna naurunganni tang mengkatoba’ lako PUANG, Kapenombanna to Israel.

NEHEMIA 9:10

Sia miparampomo tu ba’tu pira-pira tanda kalle-kallean sia tanda mangnga lako Firaun, sia mintu’ taunna sia mintu’ tau lan tondokna, belanna Miissan tu kedona tau iato mai matampo lako taumMi, sia Mipadenammo Kalemi tu misa’ sanga susitu den allo iate.

NEHEMIA 9:29

Miada’i tu tau iato mai la umpasulei lako sukaran alukMi, apa matampo, manoka umperangii tu pepasanMi sia untengkai atoramMi. Iake naturu’i tau la napotuo. Apa napopenggega’ tu palempengna tau iato mai sia napabattuk tu penaanna sia manoka ma’perangi.

PA’PUDIAN 106:6

Mangkamokan kasalan susito doloki, sia umpogau’mokan kakadakean sia tang mekaalukmokan.

PA’PUDIAN 81:8

Aku urrinding pala’ko tommu meongli’ lan attu kapussakkan, sia Aku umbaliko guntu’ lan mai massalebu’na; Kusandakmoko dio Meriba. Sela

KATASSURAN 15:26

Sia ma’kadapa tu Puang, Nakua: Iake muperangii tonganni tu kadanNa PUANG, Kapenombammu sia mupogau’ tu apa malambu’ dio oloNa sia mutananni talinga duammu tu mintu’ pepasanNa sia mukaritutui tu mintu’ apa Napondok, manassa mintu’ tu saki Kupata’pa lako to Mesir, moi misa’ tae’ la Kupata’pa lako kalemi, belanna Akumo PUANG, To ma’dampimmu!

KATASSURAN 32:9

Sia Nakuapa PUANG lako Musa: Iate bangsa iate Kutiro, manassa tongan misa’ bangsa makarra’ penaanna.

SARAMBU PEADA’ 29:1

Minda-minda ditole-tole dipakilala, anna tontong bang matoro, ta’pa la disabu’i anna tang tundu-tunduannamo.

YESAYA 48:18

Iakemmu la umperangii tu mintu’ pepasanKu, manassa iatu kamarampasammu susito salu sia iatu kamaloloammu butung to bombang tasik;

YESAYA 48:4

Belanna Kuissan, kumua matoroko sia iatu sokkongmu susi bassi kalebu sia iatu kidemu sangtinti tambaga,

YESAYA 63:10

Apa tau iato mai pabali-balimo sia umpamasussa Penaa Masallo’Na; iamoto anNa balik mendadi ualinNa sia Ia kalena sirari tu tau iato mai.

YEREMIA 19:15

Inde sia tu kadanNa PUANGna mintu’ ma’dandan maritik, Kapenombanna to Israel, Nakua: La Kupasae tu mintu’ kasanggangan, tu Kupokadamo la urrampoi te kota iate sia mintu’ kotana, belanna umpabattukmo penaanna tu tau iato mai sia manoka umperangii kadangKu.

YEREMIA 2:31

E kamu to dadi totemo, perangii tu kadanNa PUANG: Denraka Kususi to padang aak lako to Israel, ba’tu susito padang mapattang? Ma’apai anna ma’kada tu taungKu, nakua: Mallaimokanni, tae’mo kila sae lako Kalemi?

YEREMIA 7:26

Apa tang naperangiiNa’ tu tau iato mai sia tae’ napalidanni talinga, sangadinna umpamakarra’ bang penaanna losong pole’ na iatu nene’ to dolona.

YEHEZKIEL 5:6

Apa tang mekaaluk umbali-bali atorangKu losong na iatu mintu’ bangsa sia umbali-bali apa Kupondok losong na iatu mintu’ tondok tiku lao, belanna natibemo tau iato mai tu atorangKu sia tae’mo nalolang unturu’ mintu’ apa Kupondok.

PENGGAURANNA RASULU’ 7:51

E kamu to battuk sia tang sopati sia tang to’tok, nenne’ bangkomi unnempai Penaa Masallo’. Tumba tu nene’ to dolomi, ten dukamoto tu kamu.

ROMA 2:5

Apa kamakarrasanna penaammu sia noka mengkatoba’, ammu rampunanni kasengkean tu kalemu sae lako allo kasengkeanNa Puang Matua sia kapayananna ukungan malambu’Na,

PA’TOLE 31:27

Belanna kutandai tu kapabali-baliammu sia kamatoroammu. Inde tuo siapa’ ussisolangkomi, mibali-balimo tu PUANG, ondong pole’pi, ke matemo’!

PA’TOLE 32:15

Attu iato malompomi tu Yesyurun, anna metteba’ – malompomoko, kumamuru sia nakabu’ lompo – anna tampei tu Puang Matua, tu mangka ungkombongi, tang nabilangmo tu Buntu batu, Oto’na kasalamaranna.

PA’TOLE 5:29

Melo ke tontong siai dio lu tau iato mai tu penaa susito tu la ungkataku’Na’ sia la ungkaritutui tu mintu’ pepasanKu, kumua anna malaga’-laga’ sola tu mai anakna tontong sae lakona!

PA’TOLE 9:13

Ma’kada pole’omi tu PUANG lako kaleku Nakua: Kutiromo te bangsa iate, manassa misa’ bangsa matoro.

PA’TOLE 9:27

Kilalai tu taumMi, iamotu Abraham, Ishak na Yakub; da Mipalan penaai tu kamakarrasanna te bangsa iate sia katangmekaalukanna sia kasalanna,

PA’TOLE 9:6

Iamoto la muissan, kumua tangia diona kamaloloammu, anna sorongi PUANG, Kapenombammu, te tondok melo lako kalemu, belanna ikomo tu misa’ bangsa matoro.

IBRANI 3:13

sangadinna pada sipakilala-lalakomi kiallo-kiallo su’ding nasa’bu’pi tau tu allo iate, da miden misa’ battuk penaa natumang tangnga’na kasalan.

IBRANI 3:15

Diona tu kada mangka disura’ kumua: Iate allo, ke mirangii tu gamaranNa, da mipabattukki tu penaammi susi tommi pasaki-arasan,