NEHEMIA 9:15 - Sura' Madatu

¹⁵ Sia Mibenmo tau iato mai tu roti dao mai langi’ la umpa’dei tangdia’na sia Mipatassuran uai lan mai buntu batu la nasa’poan ma’rangna. Sia Mipa’parentan dukamo lako tau iato mai la unnalai tu padang iato la napomana’, tu mangkaKomi umpalao sumpa la ungkamaseanni.

NEHEMIA 9:15 ပူးပေါင်းရင်းမြစ်များ

KADADIAN 14:22

Nakuami tu Abram lako datu Sodom: Kupasa’bian PUANG, Puang Patodoranna, ungkombong langi’ sola lino,

NEHEMIA 9:20

Sia Miben Penaa meloMi la umpakinaai tu tau iato mai sia tae’ Mipaka’tui tu mannaMi dio mai pudukna sia Miben uai ussa’poi ma’rangna.

PA’PUDIAN 114:8

tu mangka umpopembali likui tu buntu, sia batu laiya Napopembali kalimbuang.

KATASSURAN 16:4

Ma’kadami tu PUANG lako Musa, Nakua: Tiromi, angKu paurannikomi roti dao mai langi’, anna tassu’ tu to buda urrampunni tu silasanna keallo-keallo, kumua angKu tobai ba’tu la naturu’ siai tu Sukaran alukKu, ba’tu tae’i.

KATASSURAN 17:3

Indeto dio ma’rang tu to buda la morai unniru’ uai, iamoto anna ma’nuku-nuku lako Musa, nakua: Ma’apai ammi solangkanni tassu’ lan mai tondok Mesir, la mipateirakannika sola mintu’ anakki sia patuoangki, mate ma’rang?

KATASSURAN 17:6

Tiromi, la bendanNa’ dio tingayomu dao buntu batu Horeb; la musambakki tu buntu batu iato, anna sun tu uai lan mai, anna iru’i to buda. Napogau’mi Musa susito dio tingayona mintu’ to matua-tua to Israel.

KATASSURAN 6:8

Ma’kadami tu Musa susito lako to Israel, apa tae’ naperangii tu Musa, belanna kapussakanna penaanna sia belanna pa’pokaunanan masang iato.

YESAYA 48:21

Tang mekama’rang tu tau iato mai tonNa solanni unnola padang aak; Napalolongan uai lan mai buntu batu; Napiak tu buntu batu anna lolong uai lan mai.

YEREMIA 32:23

Apa iatonna tamamo tu tau iato mai sia untarimai la napomana’, tae’ naperangii tu gamaramMi sia tae’ naturu’i tu Sukaran alukMi; moi misa’ tu mintu’ pepasanMi lako kalena tae’ napogau’i; iamoto Miparampoi kamandasan tu tau iato mai.

YEHEZKIEL 20:15

Apa moi susito umpalao dukaNa’ sumpa lako tau iato mai lan lu padang pangallaran, kumua tae’ Kula ussolanni tu tau iato lako tondok, tu mangka Kukamaseanni, tu nanii sebo pangandu’ sia tani’ enoan – iamo belo dio lu mintu’ tondok –

KADIBILANGAN 14:30

Manassa inang tae’ mila tama tondok, tu mangka Kuallu’ umpalao sumpa la Kunii umpatorrokomi lan, sangadinna Kaleb, anakna Yefune sia Yosua, anakna Nun!

PA’TOLE 1:21

Manassa PUANG, Kapenombammu, ussorongi te tondok iate lako kalemu, ke’de’moko, ammu alai, susitu Napokadammoko PUANG, Kapenombanna nene’ to dolomu; da mumataku’ sia da mutiramban.

PA’TOLE 1:8

Manassa la Kusorongangkomi tu tondok iato, tamamokomi, ammi alai tu tondok, tu Naallu’mo PUANG umpalao sumpa lako nene’ to dolomi, Abraham, Ishak na Yakub, kumua la Naben lako tau iato sola bati’na.

PA’TOLE 8:3

Tonganna Napamadiongammoko, Napatangdia’moko sia Napakandemoko manna, tu tae’ mutandai sia tae’ natandai nene’ to dolomu, la Nanii umpaissanniko, kumua iatu tau, tae’ nakande manna tu napotuo, sangadinna iatu tau tuo dio mintu’ apa sun dio pudukNa PUANG.