NEHEMIA 9:14 - Sura' Madatu

¹⁴ Sia Mipaissanni dukamo tu allo katorroan maindanMi sia Mipepasanammo tu pepasan sia apa dipondok sia sukaran aluk nalopian Musa, taumMi.

NEHEMIA 9:14 ပူးပေါင်းရင်းမြစ်များ

KADADIAN 2:3

Napassakkemi Puang Matua tu allo ma’pempitu sia Napamadatu, belanna ia Nanii untorroi ungkarang pekaranganNa tu mangka Nakarang tonNa padadii.

NEHEMIA 1:8

Kilalai tu kada Mipokadan Musa, taumMi, nakua: Iake umpokakomi kamarurusan, manassa la Kupatisambo’komi dio lu mintu’ bangsa.

NEHEMIA 10:32

Sia tapatakoi kaleta la ussorong taa tallunna sikele’ ke sangtaunoi, lako kamenomban lan banuanNa Kapenombanta:

KATASSURAN 16:23

Ma’kadami Musa lako tau iato mai nakua: Inde sia tu Napokada PUANG: Masiangmo tu allo katorroan, iamotu allo katorroan dipamaindanan PUANG; iamoto gorengmi totemo tu apa la migoreng sia nasumi tu apa la minasu na iatu la’binna patorroi sia nannai sae lako masiang melambi’.

KATASSURAN 16:29

Pengkilalai, kumua Napa’kamaseanmo PUANG tu allo katorroan lako kalemi; iamoto anna lan allo ma’pennannan Nabenkomi tu roti silasa lan to duang allo. Iamoto ammi pantan mari’pi bang dio to’ inanmi; moi misa’ tau tae’ nama’din tassu’ lan mai to’ inanna, to ke allo ma’pempitu.

KATASSURAN 24:12

Ma’kadami tu PUANG lako Musa Nakua: Kendekko langngan buntu mennolo lako Kaleku sia torroko inde to, angKu benko papan batu, iamo sukaran aluk sia pepasan Kusura’ la unnada’i tu tau iato mai.

YEHEZKIEL 20:11

Kubenni tu apa Kupondok sia Kupa’peissanan lako tau iato mai tu atorangKu, tu napotuo tau, ke naturu’i.

YEHEZKIEL 20:12

Sia Kuben duka tu mintu’ allo katorroangKu, dadi misa’ tanda lan alla’Ku na tau iato mai, anna issanni tau iato mai, kumua Akumo, PUANG, tu umpamaseroi.

YEHEZKIEL 20:20

Pamadatui tu allo katorroangKu, nadadi misa’ tanda lan alla’Ku na kamu, ammi tandai, kumua Akumo, tu PUANG, Kapenombammu.

SURA’ KATOMINAAN 19:3

Pantankomi la ungkasiri’ indo’mi sia ambe’mi sia la ungkaritutui tu allo katorroangKu: Akumo tu PUANG, Kapenombammi.

SURA’ KATOMINAAN 27:34

Iamote tu pepasan Napa’bengan PUANG lako Musa dao buntu Sinai, la naparampo lako to Israel.

YOHANES 1:17

Belanna napa’benganmo Musa tu Sukaran aluk, apa iatu kamaturu-turuan sia kamanapparan Napaombo’ Yesu Kristus.

PA’TOLE 4:45

Iamote tu apa dipamanassa, aluk dipondok sia atoran, tu mangka napokada Musa lako to Israel dio kalingkanna, tonna tassu’ lan mai Mesir,

PA’TOLE 4:5

Manassa mangkamokomi kuada’i tu aluk dipondok sia atoran, susitu mangka Napasan PUANG, Kapenombangku, lako kaleku, kumua ammi pogau’i susito lan tondok, tu la miala, mipoapai.

PA’TOLE 5:31

Apa la bendanko inde te ussisolanNa’, angKu pokadangko tu mintu’ pepasan, mintu’ aluk dipondok sia iatu mintu’ atoran, tu sipatu la muadaran tau iato, kumua naturu’i lan tondok tu la Kusoronganni la naala napoapa.