NEHEMIA 9:13 - Sura' Madatu

¹³ Songlo’moKomi dao buntu Sinai sia ma’kadamoKomi lako tau iato mai dao mai langi’, sia Mibenmo atoran malambu’ tu tau iato mai, sukaran aluk tang tileluk, apa dipondok sia pepasan maelo.

NEHEMIA 9:13 ပူးပေါင်းရင်းမြစ်များ

2 DATU 17:37

Iatu mintu’ apa dipondok sia atoran sia sukaran aluk sia pepasan, tu Nasurasangkomi, la tontong mikaritutui. Da mipangke’ kapenomban senga’.

EZRA 7:6

iamote tu Ezra ke’de’ dio mai Babel. Ia misa’ pandita sura’, tu manarang lan Sukaran alukna Musa, tu Napa’bengan PUANG, Kapenombanna to Israel; nabenmi datu tu mintu’ pa’poraianna, belanna narondong limanNa PUANG, Kapenombanna.

PA’PUDIAN 119:137

O PUANG, Kamumo tu tang pakayun bimbang, sia iatu mintu’ atoramMi manappa’.

PA’PUDIAN 119:160

Makalima’na kadamMi sanda tonganna nasang. Sia mintu’ atoran malambu’Mi tang tileluk sae lakona.

PA’PUDIAN 119:4

Mintu’ parentaMi Mipa’parentammo, kumua anna karitutui meloi tau.

KATASSURAN 16:23

Ma’kadami Musa lako tau iato mai nakua: Inde sia tu Napokada PUANG: Masiangmo tu allo katorroan, iamotu allo katorroan dipamaindanan PUANG; iamoto gorengmi totemo tu apa la migoreng sia nasumi tu apa la minasu na iatu la’binna patorroi sia nannai sae lako masiang melambi’.

KATASSURAN 19:11

Sia la ma’parandan tu tau iato duang bongi, belanna duang bongi na la songlo’ tu PUANG sae dao buntu Sinai dio tingayona mintu’ tau iato mai.

KATASSURAN 20:1

Nasa’bu’mi Puang Matua mintu’ kada iate, Nakua:

KATASSURAN 20:22

Nakuami PUANG lako Musa: La ma’kadako lako to Israel susite: Iatu kamu mikanassai, kumua Aku tu ma’kada lako kalemi dao mai langi’.

YESAYA 64:1

Aa, kemMi bangngai tu mintu’ langi’, amMi songlo’, anna tigega’ tu mintu’ buntu dio oloMi,

YESAYA 64:3

belanna Mipaden tu penggauran metakuran tu tae’ kikapangi; kemMi songlo’, anna tigega’ tu mintu’ buntu dio oloMi.

HABAKUK 3:3

Saemo tu Puang Matua dio mai Téman, sia iatu To masero dao mai buntu Paran. Sela Iatu kamala’biranNa ussamboi mintu’ langi’, sia nasitutu’i kadipudianNa tu lino.

ROMA 7:16

Apa iake umpogau’na’ tang kuporainna, kukatonganni kumua iatu Sukaran aluk melo.

PA’TOLE 33:2

Ma’kadami nakua: Iatu PUANG mengkalao dao mai Sinai sia bu’tu unnarrangi tu tau iato dio mai Seir; sombomi parrang dao mai ma’buntunna Paran sia rampomo bu’tu lu dio mai ma’pulo-pulo sa’bunna to masero pindan. Dio kananNa natiro tu api dukku.

PA’TOLE 4:33

Denmoraka misa’ bangsa urrangi gamara Kapenomban tu ma’kada lan mai tangnga to’ api, susitu mangka murangi sia tontongpa tuo tu bangsa iato?

PA’TOLE 4:36

Dao mai langi’ Napa’perangian tu gamaranNa lako kalemu, la umpakilalako, sia Napatiroangko tu api kapuaNa dao kuli’na padang sia murangimo tu kadanNa lan mai to’ api.

PA’TOLE 4:8

Sia bangsa kapua umbara, tu unnampui aluk dipondok sia atoran susi malambu’na mintu’ sukaran aluk iate, tu kupa’perangian lako kalemi totemo?

PA’TOLE 5:4

Sitiro lindomokomi sipa’kada PUANG dao buntu lan mai tangnga to’ api,