NEHEMIA 9:11 - Sura' Madatu

¹¹ Sia mipa’dua tu tasik dio tingayona tau iato mai, naurunganni lumingka lan tangnga tasik unnola karangkeanna, na iatu mintu’ tau unnula’i tu tau iato mai Mipembuangan tama malikunna susito misa’ batu tama to’ uai mandirri’.

NEHEMIA 9:11 ပူးပေါင်းရင်းမြစ်များ

PA’PUDIAN 66:6

Napopengkarangkean tu tasik, sia lumingka tu tau ullamban salu, inde to tanii umpoparannu Puang Matua.

PA’PUDIAN 78:13

Naballak tu tasik anNa palambanni tu tau iato mai, Napopa’parinding tu uainna susi misa’ sapan.

KATASSURAN 14:14

PUANG duka iatu la parari ussondakomi, na iatu kamu la ma’pakappa bangkomi.

KATASSURAN 14:25

Napalammak tu mintu’ roda karetana tau iato mai, sia Napamale’lan lumingka, naurunganni ma’kada tu to Mesir, nakua: Melo ke mallaiki’ dio mai to Israel, belanna PUANG urrondongi tu tau iato mai urrarii to Mesir.

KATASSURAN 14:29

Apa iatu mintu’ to Israel unnola karangkean lan tangnga tasik, na iatu uainna butung rinding tembo’ umpetangngai dio kananna sia dio kairinna.

YEREMIA 32:20

Sia Kamu umpogau’ ba’tu pira-pira tanda kalle-kallean sia tanda mangnga dio tondok Mesir sae lako allo iate la dio lu to Israel la dio lu bangsa senga’, sia umpadenangKomi misa’ sanga, susitu payan allo iate.

1 KORINTUS 10:1

E kamu siulu’ku, tae’ kuporai, ke tang miissanni, kumua iatu nene’ to dolota naonganni salebu’ sia ullamban tasik sola nasangi;

IBRANI 11:29

Bannang dio dukamora kapatonganan anna lambanni tau iato mai tu tasik Kolsum, butung to unnola karangkean; na iatu to Mesir nasandak umparundu’i susito, nasabu’.

KADA OMBO’ LAKO RASULU’ YOHANES 18:21

Naangka’mi misa’ malaeka’ mawatang tu misa’ batu susi rupanna batu pangrissoan, napempa’nakanni tama tasik nama’kada nakua: Tete dio pepa’nak susite, na iatu Babel, tondok kapua la tipempa’nak, sia inang tae’mo anna dikita len.