NEHEMIA 9:10 - Sura' Madatu

¹⁰ Sia miparampomo tu ba’tu pira-pira tanda kalle-kallean sia tanda mangnga lako Firaun, sia mintu’ taunna sia mintu’ tau lan tondokna, belanna Miissan tu kedona tau iato mai matampo lako taumMi, sia Mipadenammo Kalemi tu misa’ sanga susitu den allo iate.

NEHEMIA 9:10 ပူးပေါင်းရင်းမြစ်များ

NEHEMIA 9:16

Apa iatu kedona tau iato mai, iamotu nene’ to doloki matampo sia umpabattuk penaanna sia manoka umperangii tu pepasanMi.

NEHEMIA 9:29

Miada’i tu tau iato mai la umpasulei lako sukaran alukMi, apa matampo, manoka umperangii tu pepasanMi sia untengkai atoramMi. Iake naturu’i tau la napotuo. Apa napopenggega’ tu palempengna tau iato mai sia napabattuk tu penaanna sia manoka ma’perangi.

PA’PUDIAN 83:18

Da’ito anna kasirisan tu tau iato mai sia tiramban tontong sae lakona, sia da’ito anna maila’ sia anna sanggang.

KATASSURAN 18:11

Totemo kuissanmo kumua tarompo’ tu PUANG anna iatu mintu’ deata, belanna Narampanammo te bangsa iate lan mai limanna to Mesir belanna matampo tu to Mesir lako tau iato mai.

KATASSURAN 3:20

Iamoto la Kue’te’ tu limangKu umpandasai tu to Mesir sia umparampoi mintu’ tanda kalle-kallean, tu la Kupogau’ lan; mangka to namane unnelorangkomi male.

KATASSURAN 5:2

Apa mebali tu Firaun nakua: Mindara tu PUANG, tu sipatu la kuturu’ kadanNa sia unneloranni tu to Israel male? Tae’ kutandai tu PUANG iato sia tang kueloran tu to Israel male.

KATASSURAN 7:1

Ma’kadami PUANG lako Musa, Nakua: Kupabutungko Puang Matua lako Firaun; na Harun kakammu la butung nabimmu.

KATASSURAN 9:16

Apa tonganna iamo bannangna te angKu karimmanniko, kumua angKu patiroangko tu kamatotorangKu; anna sangangKu dipakalelean lan mintu’ lino.

YESAYA 42:20

Buda tonganmo mutiro, apa tae’ mupalan penaai; tibungka’ tu talingammu, apa tae’ ammu parangi.

YESAYA 63:12

Lima mala’bi’Na Narendenanni tu lima kananna Musa sia umpasisarak uai dio tingayona tau iato mai, la umpatulangdanan Kalena misa’ sanga matontongan.

YESAYA 63:14

Susito patuoan ma’palurokko lombok susi dukamoto tu tau iato mai Napopelayo PenaanNa PUANG, susimoto tu kaurrendenamMi taumMi, la umpadenangKomi sanga mala’bi’.

YEREMIA 32:20

Sia Kamu umpogau’ ba’tu pira-pira tanda kalle-kallean sia tanda mangnga dio tondok Mesir sae lako allo iate la dio lu to Israel la dio lu bangsa senga’, sia umpadenangKomi misa’ sanga, susitu payan allo iate.

YEHEZKIEL 20:9

Apa Kupalalomo tu penggaurangKu belanna sangangKu, kumua da nadipamatuna dio pentirona mintu’ bangsa, tu nanii torro tau iato mai; dio pentirona tau iato mai Kunii umpapaan Kaleku, belanna Kusolan lan mai tondok Mesir.

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

DANIEL 5:23

sangadinna umbali-baliorokomi Puang dao suruga, belanna napatassu’ nabaa tau lan mai banua kabusunganNa lako olomi tu mintu’ pareanan, ammi iru’i uai anggoro’ sola to ma’parentami, bainemi sia gundi’mi sia umpangke’komi rapang-rapang dipodeata salaka, bulaan, tambaga, bassi, kayu sia batu, tu tae’ napatiro sia parangi sia tang paissan, apa iatu Puang Matua, untoe bannang penaammi sia umpasirundunanni tu mintu’ lalanmi, tae’ mipangke’I.

DANIEL 9:15

Tonganna, o Puang, Kapenombangki, tu mangka ussolan taumMi tassu’ lan mai tondok Mesir tete dio lima mawatang sia iatu umpakalelean sangamMi, susi allo iate, kasalammokan sia tang mekaalukmokan.

PENGGAURANNA RASULU’ 7:36

Iamo ussolanni sun tu tau, tonna mangka umpadenanni tu tanda mangnga sia tanda kalle-kallean dio tana Mesir, sia dio tasik Mararang, sia dio padang pangallaran patangpulo taunna.

ROMA 9:17

Belanna nakua lan Sura’ Madatu lako Firaun: Iamoto angKu pabendanko, dikua nadio kalemu Kunii umpa’pekitanan kuasangKu sia dikua anna dipakalelean tu sangangKu lan mintu’ lino.

PA’TOLE 4:34

Ba’tu denmoraka misa’ deata untobai sae la unnalan kalena misa’ bangsa dio mai tangngana bangsa senga’, tete dio kadipandasan, tete dio tanda kalle-kallean sia tanda mangnga sia kasirarian, tete dio lima mawatang sia takia’ tie’te’ sia tete dio penggauran ma’patiramban, susitu Napogau’mo PUANG Kapenombammi, te mintu’na te lan Mesir belanna kamu dio pentiromu.

PA’TOLE 7:19

iamotu kadipandasan kapua, tu mutiro, mintu’ tanda kalle-kallean, mintu’ tanda mangnga, lima mawatang sia takia’ tie’te’; tete dio tu iannato Nanii PUANG, Kapenombammu, ussolangko tassu’. Susimoto la Napogau’ PUANG, Kapenombammu, lako mintu’ bangsa, tu mukataku’.

1 PETRUS 5:5

Susi duka kamu, e to mangura, la tundukkomi lako mintu’ penatua sia la situndu-tunduangkomi sola nasang umpotambeke’ kaumpamadiongan penaa; belanna Nabali Puang Matua tu to matampo, apa Napa’kamasean tu pa’kamasean lako to madiongan penaanna.