NEHEMIA 8:17 - Sura' Madatu

¹⁷ Tassu’mi tu tau iato mai, naalai tu tangke kayu, nagaraganni kalumba tu kalena, napantan umpadaoi lu bubunganna sia dio lu tarampakna sia tarampak banuanNa Puang Matua sia dio tana lapang babangan Uai sia dio tana lapang babangan Efraim.

NEHEMIA 8:17 ပူးပေါင်းရင်းမြစ်များ

1 OSSORANNA DATU 29:22

Kumandemi sia mangiru’ tu tau iato mai dio oloNa PUANG situang kaparannuan kapua, ma’penduanna unnangka’ Salomo, anakna Daud, dadi datu, anna tokkoanni PUANG dadi arung, na Zadok dadi to minaa.

2 OSSORANNA DATU 30:26

Denmi kaparannuan kapua lan Yerusalem, belanna randuk dio mai linona Salomo, anakna Daud, datu Israel, tae’ bangpa dadi susito lan Yerusalem.

2 OSSORANNA DATU 35:18

Randuk dio mai linona nabi Samuel tae’pa nadipakaraya len tu Pa’pasa susite lan Israel; sia moi misa’ datu to Israel; tae’ bang umpakaraya Pa’pasa susitu napakaraya Yosia sola tu mai to minaa sia to Lewi sia mintu’ to Yehuda sia to Israel dio ren sola pa’tondokan Yerusalem.

2 OSSORANNA DATU 8:13

iamotu apa dipamanassa la dipemalaran keallo situru’ pepasanna Musa sia lan mintu’ allo katorroan sia dio mintu’ sombona bulan sia dio mintu’ attu pa’gauran dipamanassa pentallun lan sangtaun, iamotu: pa’gauran roti tang dirangii sia pa’gauran minggu, sia pa’gauran pekalumban.

EZRA 3:4

Napakaraya dukami tu pa’gauran pekalumban susitu mangka disura’, sia umpennoloan pemala’ ditunu pu’pu’ kiallo-kiallo pada tu dituntunna, sia pada tu dipamanassanna kiallo-kiallo.

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

PA’TOLE 16:15

Lan pitung allo la mupakaraya tu pa’gauran la umpakala’bi’ PUANG, Kapenombammu, dio inan tu la Napilei PUANG. Belanna iatu PUANG, Kapenombammu, la umpamasakkeko diona mintu’ bura padangmu sia diona mintu’ apa mukarang, iamoto ammu parannu-rannu tongan.

IBRANI 11:13

Lan duka kapatonganan naniimo mate sola nasangi tonna tae’pa naappa’i tu apa dialluranni, apa lan kapatongananna natiro mambelamo sia natammui marampa’, anna akui tu kalena kumua to sae sia to mentiruran lan te lino.

IBRANI 11:9

Bannang dio dukamora kapatonganan, ma’tondokmi dio padang dialluranni butung dio padangna tau, anna torro lan tenda, susi duka Ishak sola Yakub, tu pada umpomana’ pangallu’ ia dukato.

IBRANI 4:8

Belanna iake nasolammi Yosua tu tau iato mai mentama kapelayoan, manassa tae’mo Napokadai Puang Matua tu allo senga’ undinna.

YOSUA 1:1

Iatonna matemo tu Musa, taunNa PUANG, ma’kadami PUANG lako Yosua, anakna Nun, to marengke’na Musa, Nakua: