NEHEMIA 8:12 - Sura' Madatu

¹² Napakatana dukami to Lewi tu penaanna mintu’ bangsa iato, nama’kada nakua: Rapa’mokomi, belanna maindan te allo iate, da’mo namasussa tu penaammi.

NEHEMIA 8:12 ပူးပေါင်းရင်းမြစ်များ

1 OSSORANNA DATU 29:22

Kumandemi sia mangiru’ tu tau iato mai dio oloNa PUANG situang kaparannuan kapua, ma’penduanna unnangka’ Salomo, anakna Daud, dadi datu, anna tokkoanni PUANG dadi arung, na Zadok dadi to minaa.

NEHEMIA 8:10

Ma’kadami tu Nehemia, iamotu to maraa, sola Ezra, tu to minaa na pandita sura’ sola mintu’ to Lewi, tu unnada’i bangsana, nakua: Maindan te allo iate lako PUANG, Kapenombammi; iamoto da namasussa tu penaammi sia da mitumangi’. Belanna tumangi’ tu mintu’ bangsa iato, tonna rangii tu kada Sukaran aluk.

NEHEMIA 8:11

Sia ma’kadapa lako tau iato mai nakua: Malemokomi, ammi kandei tu apa mammi’ sia unniru’ apa matappa’ sia pantan ma’kada’pa lako minda-minda tu tae’ nasakka’, belanna maindan te allo iate lako Puangta; iamoto da namasussa penaammi, belanna iatu kaparannuan bannang dio PUANG Iamo pentirerungammi.

NEHEMIA 8:13

Malemi tu mintu’ bangsana tau iato mai kumande sia mangiru’, anna ma’kada’pa sia sila’tekan parannu, belanna naissanmo tau iato mai tu apa dipokadanni.

ESTER 9:22

belanna allo iamote tu nanii to Yahudi unnappa’ karapasan dio mai ualinna sia bulan iamote tu nanii kamasussan membali kaparannuan lako tau iato mai sia passanda bolongan membali misa’ allo pa’gauran, sia allo iato la dipadadi allo pa’maruasan sia kaparannuan, tu nanii tau pada sikada’pan sia umpa’bengan pa’kamase lako to mase-mase.

AYUB 23:12

Iatu pepasan sun dipudukNa tae’ kupatoyangi, lan ba’tengku kuanna tu kada Nasa’bu’.

PA’PUDIAN 119:111

Mintu’ kasa’biamMi kualamo kupokataanan matontongan, belanna naposende penaangku.

PA’PUDIAN 119:127

Iamoto angku pa’buda-budai tu mintu’ pepasanMi, ondong anna bulaan, bulaan tasak.

PA’PUDIAN 119:130

Kadipapayananna kadamMi umpamasiang sambu’ penaanna tau. Sia umbenni tangnga’ kinaa tu to tang unnampui tangnga’ kinaa.

PA’PUDIAN 119:14

Kuposende tu lalan kasa’biamMi, susina’ to umposende kasugiran.

PA’PUDIAN 119:16

Kupoparannu tu apa Mipondok, sia tae’ angku la ungkalupai lenni tu kadamMi.

PA’PUDIAN 119:171

La ma’uai lolong tu pa’pudi-pudian dio mai randan pudukku, belanna Miada’ina’ tu mintu’ apa Mipondok.

PA’PUDIAN 119:174

O PUANG, kukamali’ tu kasalamaran lu dio mai Kalemi; na iatu sukaran alukMi iamo kuposende.

PA’PUDIAN 119:72

Iatu atoran Sukaran aluk ombo’ dio randan pudukMi mandu maelo lako kaleku, anna iatu bulaan sia salaka massa’bu-sa’bu.

PA’PUDIAN 119:97

Lendu’ kukamali’na tu sukaran alukMi! Kiallo-kiallo kunannung bang.

YEREMIA 15:16

Umba-umba kunii unnapparan kadamMi, kukande sia iatu kadamMi kuporannu sia naposende penaangku; belanna iatu sangamMi disa’buranna’, o PUANG Kapenombanna mintu’ ma’dandan maritik.

LUKAS 24:32

Sipa’kada-kadami, nakua: Tang mamali’raka penaanta, tonNa pa’kadaiki’ dio lu lalan sia tonna pokadan nasangki’ tu lanna mai Sura’ Madatu?

ROMA 7:18

Belanna kuissan, kumua tae’ lan kaleku iamotu lan pa’kaleangku, tu melona misa’ duka; belanna iatu pa’poraian den sia dio kaleku, apa iatu umpogau’i tu melona, tae’.

KADA OMBO’ LAKO RASULU’ YOHANES 11:10

Mintu’ tu to untorroi kuli’na padang umpoparannui sia sende-sende sia siben ben apa, belanna iatu nabi sola duai umpakario-rio mintu’ to untorroi kuli’na padang.