NEHEMIA 8:10 - Sura' Madatu

¹⁰ Ma’kadami tu Nehemia, iamotu to maraa, sola Ezra, tu to minaa na pandita sura’ sola mintu’ to Lewi, tu unnada’i bangsana, nakua: Maindan te allo iate lako PUANG, Kapenombammi; iamoto da namasussa tu penaammi sia da mitumangi’. Belanna tumangi’ tu mintu’ bangsa iato, tonna rangii tu kada Sukaran aluk.

NEHEMIA 8:10 ပူးပေါင်းရင်းမြစ်များ

1 DATU 8:66

Iatonna allo ma’pengkaruamo nasuami male tu to buda, anna palakuanni tau iato mai kamasakke-sakkean tu datu, namane sule lako tendana, parannu sia sende-sende diona kameloan, tu Napogau’ PUANG lako Daud, taunNa, sia lako to Israel, taunNa.

1 OSSORANNA DATU 16:27

Dio oloNa tu tanda kabilangan sia kadipangkeran. Anna kapaan sia kasendean lan inan Nanii torro.

NEHEMIA 8:11

Sia ma’kadapa lako tau iato mai nakua: Malemokomi, ammi kandei tu apa mammi’ sia unniru’ apa matappa’ sia pantan ma’kada’pa lako minda-minda tu tae’ nasakka’, belanna maindan te allo iate lako Puangta; iamoto da namasussa penaammi, belanna iatu kaparannuan bannang dio PUANG Iamo pentirerungammi.

NEHEMIA 8:12

Napakatana dukami to Lewi tu penaanna mintu’ bangsa iato, nama’kada nakua: Rapa’mokomi, belanna maindan te allo iate, da’mo namasussa tu penaammi.

ESTER 9:19

Iamoto napakarayai mintu’ to Yahudi lan lu tondok, iamotu mai tau torro lan lu kota, tu tang dirinding tembo’, tu allo ma’pessangpulo a’pa’ bulan Adar susi misa’ allo kaparannuan sia pa’maruasan sia susi misa’ allo tu nanii tau pada sikada’pan.

ESTER 9:22

belanna allo iamote tu nanii to Yahudi unnappa’ karapasan dio mai ualinna sia bulan iamote tu nanii kamasussan membali kaparannuan lako tau iato mai sia passanda bolongan membali misa’ allo pa’gauran, sia allo iato la dipadadi allo pa’maruasan sia kaparannuan, tu nanii tau pada sikada’pan sia umpa’bengan pa’kamase lako to mase-mase.

PA’PUDIAN 149:2

La naposande’ to Israel tu To manampana, sia la sila’tekan tu pia to Sion belanna diona Datunna!

PA’PUDIAN 89:17

Tu belanna sangamMi anna mela’tek tu tau iato mai kiallo-kiallo, sia tete dio kamaloloamMi anna dipamatande.

SARAMBU PEADA’ 17:22

Iatu kaparannuan lan penaa umpamadoi’ kamalekean, apa iatu penaa rosso umpamarangke buku.

TOMANGADA’ 11:2

Taa pitui, ondongpi taa karuai tu iannato belanna tae’ muissanni kamandasan apara la urrampoi te lino.

TOMANGADA’ 2:24

Iatu tolino tae’ kuasanna la kumande sia mangiru’ sia la napomanaman tu diona bunga rangka’na; iate iannate kukanassaimo kumua lu dio mai limanNa Puang Matua.

TOMANGADA’ 3:13

kondi’na, kumua ke denni tau kumande sia mangiru’ sia umperasai melona dio mai mintu’na kamara’tasanna, iamoto tu pa’kamaseNa Puang Matua.

TOMANGADA’ 5:18

Susi dukato minda-minda tu Nakamasei Puang Matua kasugiran sia ianan buda sia Naelorampa la ungkandei to sia la unnalai tu taana, sia la umposende ra’ta’na – iatu iannato misa’ pa’kamaseNa Puang Matua.

TOMANGADA’ 9:7

Iamoto parannuko ungkandei tu kandemu sia pasendei tu penaammu unniru’i tu uai anggoro’mu, belanna iake mupogau’i tu iannato, inang masai allomo pa’poraianNa Puang Matua susito.

PA’TENDENG BALLO 5:1

– Saemo’ lako pa’lak bungangku, e adingku, e dodo’ sangkalamma’ku, kururukmo tu murungku sia pebangki’ku, kukandemo tu tallo’ merangku sola tani’ enoangku, kuiru’mo tu uai anggoro’ku sia pangandu’ku. E mintu’ sangmaneku, la kumandekomi sia mangiru’, sanabossami, e sangmane karra’ku.

YESAYA 49:5

Apa totemo Nakua tu PUANG tu umpadadina’ taunNa tempon lan mai pa’tambukan angku pasulei tu Yakub lako, sia angku pasipulungi tu to Israel lako – sia dipakala’bi’mo’ dio pentiroNa PUANG sia Kapenombangku tu kupomatoto’ –:

YESAYA 61:10

Iatu penaangku umpoparannu tongan PUANG, iatu deatangku unnarrak-arrak umposende-sende Kapenombangku, belanna Natamangkaleimo’ pakean kasalamaran, sia Napabayuina’ bayu lamba’ kamaloloan, sangtinti to muane diparampo ma’passapu susito minaa sia ten to baine diparampo umbeloi kalena.

YOËL 2:23

E kamu, mintu’ to Sion, sila’tekangkomi sia parannu-rannukomi tete dio PUANG, Kapenombammi, belanna Nabenkomi to mangada’ lako kamaloloan, ondongpi Napasaeangkomi uran kamban, uran bunga’ sia uran tampak, susi dolona.

ZAKHARIA 14:21

Ondongpi mintu’ kurin lan Yerusalem sia lan Yehuda dipamaindanan PUANG, naurunganni mintu’ to memala’ ma’din sae sia la napantollo’i. Sia allo iato la tae’mo to Kanaan lan banuanNa PUANGna mintu’ ma’dandan maritik.

LUKAS 11:41

Apa pa’kamaseammi tu apa lanna lu, ke la tang masero nasangi mitiro.

2 KORINTUS 8:2

Apa belanna moi sangtumbanna tu kamaparrisan kadisudianna, payan duka tu kabattaranna, anna iatu kaparannuan tang puranna sia kamakario-rioan masangna umpalempan kasugiran kamasokananna.

FILIPI 3:4

moi anna aku te ma’din duka urrannuanni tu apa a’gan tolino. Iake nasangai tau ma’din urrannuanni tu apa a’gan tolino, ontong pissanpi te aku te,

KADA OMBO’ LAKO RASULU’ YOHANES 11:10

Mintu’ tu to untorroi kuli’na padang umpoparannui sia sende-sende sia siben ben apa, belanna iatu nabi sola duai umpakario-rio mintu’ to untorroi kuli’na padang.

1 SAMUEL 25:8

Melo mipekutanan tu iannato lako taummi, manassa napokada tau iato mai lako kalemi. Iamoto melo ke umpa’pekitanangkomi pa’kamaseammi lako tau iato mai, belanna saekanni ussitammuangkomi lan attu melo. Benni dikka’ te kaunanmi sia Daud, anakmi, padami narurunna limammi.