NEHEMIA 7:5 - Sura' Madatu

⁵ Attu iato Napatiakka’mi Kapenombangku tu penaangku, angku rampunni tu mintu’ to la’bi’ sia pangulu sia to buda, anna disua ussura’i tama luntara’ tu sanganna. Sia kuappa’tu luntara’ dinii ussura’ sanganna tau iato mai tu bunga’na ke’de’, angku apparanni disura’ lan susite, nakua:

NEHEMIA 7:5 ပူးပေါင်းရင်းမြစ်များ

EZRA 2:62

Mintu’ tau iato undaka’ sura’ tanda kumua mangkamo disura’ lan luntara’, apa tae’ diapparan lan, iamoto nadisarakki lan mai pangka’ katominaan.

EZRA 7:27

Mintu’ kadipudian lu lako PUANG, Kapenombanna nene’ to dolota, tu mangka umpatiakka’ penaanna datu la umpakala’bi’ banuanNa PUANG, tu unnisung dio Yerusalem,

NEHEMIA 5:19

O Kapenombangku, kilalaina’ tu kupomelona sitinaya tu mintu’ apa mangka kupogau’ lako bangsa iate.

NEHEMIA 6:14

O Kapenombangku, kilalai tu Tobia sola Sanbalat sitinaya penggauranna sia ia duka tu nabi baine Noaja sia ba’tu pira-pira nabi, tu morai la umpakataku’na’.

NEHEMIA 7:4

Iatu kota iato kalua’ sia kapua, apa sidi’ri tu tau torro lan sia tae’pa nadibangun tu mai banua.

NEHEMIA 7:64

Mintu’ tau iato undaka’ sura’ tanda kumua mangkamo disura’ lan luntara’, apa tae’ nadiappa’, iamoto naditassu’i lan mai pangka’ katominaan,

SARAMBU PEADA’ 2:6

Belanna PUANG Ia tu umpa’kamasean kakinaan, lan mai pudukNa nanii tassu’ tu kapaissanan sia tangnga’ kinaa.

SARAMBU PEADA’ 3:6

Kasiri’i tu Puang dio lu mintu’ lalanmu, na Ia la umpamarantei tu lalanmu.

1 KORINTUS 15:10

Apa belanna pa’kamaseanNa Puang Matua angku dadi susite totemo; sia iatu pa’kamaseanNa lako kaleku, tae’ anna tae’ bua’na, belanna ondongmo aku mara’takku na iatu mintu’i; apa tangngia aku, sangadinna pa’kamaseanNa Puang Matua tu urrondongna’.

2 KORINTUS 3:5

Tangngia duka kumua kami te nalambi’ kamanarangangki kalena angki sangai kumua manarangkan umpogau’ misa’ apa, sangadinna iatu kamanarangangki lu dio mai Puang Matua.

2 KORINTUS 8:16

Apa kurre sumanga’na langngan Puang Matua, tu mangka umpa’kamaseanni tu kamatutturan iato tama penaanna Titus tu belanna kamu.

KOLOSE 1:29

Iamora kupomara’ta’ tu iannato, sia kupengkullei tongan, sitinaya kuasanNa, tu mawatang kedo lan kaleku.

YAKOBUS 1:16

Da ammi pusa, e sangsiuluran pa’kaboro’ku.